នៅព្រឹកថ្ងៃទី២ ខែកញ្ញា ឆ្នាំ២០១៨ ឯកឧត្តមចេង ញ៉ាន់ អភិបាលស្តីទីខេត្តប៉ៃលិន រួមដំណើរដោយលោកជំទាវ ជាលាភ អភិបាលរងខេត្ត ឯកឧត្តម ហែម រិទ្ធី អភិបាលរងខេត្ត ព្រមទាំងថ្នាក់ដឹកនាំមន្រ្តីរាជការអង្គភាព ស្ថាប័ន ជំវិញខេត្ត អញ្ជើញដាក់កំរងផ្កា គោរពវិញ្ញាសពលោកស្រី ឃាង ធីរ៉ាផន នាយករងទីចាត់ការហិរញ្ញវត្ថុសាលាខេត្តប៉ៃលិននៅគេហដ្ឋាននៃសព ស្ថិតនៅភូមិអូរតាពុកក្រោម សង្កាត់ទួលល្វា ក្រុងប៉ៃលិនខេត្តប៉ៃលិន។
ឯកឧត្តម ចេងញ៉ាន់ អភិបាលស្តីទីខេត្តក្នុងនាមក្រុមប្រឹក្សាខេត្ត គណៈអភិបាលខេត្តថ្នាក់ដឹកនាំមន្រ្ដីរាជការ នៃរដ្ឋបាលខេត្តប៉ៃលិន កងកម្លាំងប្រដាប់អាវុធ បានសំដែងនូវការចូលរួមរំលែកទុក្ខយ៉ាងគ្រៀមក្រំជាមួយក្រុមគ្រួសារនៃសព ចំពោះការការបាត់បង់លោកស្រី ឃាង ធីរ៉ាផន នាយករងទីចាត់ការហិរញ្ញវត្ថុសាលាខេត្តប៉ៃលិន ដែលជាបាត់បង់មន្ត្រីរាជការម្នាក់ ដែលមានស្នាដៃល្អ ក្នុងការបំពេញភារកិច្ចបំរើជាតិមាតុភូមិ និងជាការបាត់បង់ប្រពន្ធ និងជាម្តាយបងប្អូន ជាទីស្រឡាញ់របស់ប្តី និងកូនៗ។
ក្នុងឱកាសនោះដែរឯកឧត្តម ចេង ញ៉ាន់ និងមន្រ្តីរាជការទាំងអស់ក៏បានអញ្ជើញដាក់កំរងផ្កា និងអុចធូប បួងសួងសុំឲ្យវិញ្ញាណក្ខ័ន្ធរបស់លោកស្រី ឃាង ធីរ៉ាផន បានទៅកាន់សុខតិភពសុខកុំបីខាន។
សូមបញ្ជាក់ថាៈនៅថ្ងៃទី៣១ ខែសីហា ឆ្នាំ២០១៨ វេលាម៉ោង ២០:៥៤នាទី យប់ ,លោកស្រី ឃាង ធារ៉ាផន អាយុ៤០ឆ្នាំ ជានាយករងទីចាត់ការហិរញ្ញវត្ថុសាលាខេត្តប៉ៃលិនបានទទួលមរណៈភាពដោយគ្រោះថ្នាក់ចរាចរណ៍នៅស្រុកពោណាំរ៉ន ប្រទេសថៃ ដោយគ្រោះថ្នាក់ចរាចរ ៕ វួច ពឿន
