(14-02-2017) ប៉ៃលិន៖ រសៀលថ្ងៃទី១៤ ខែកុម្ភះ ឆ្នាំ២០១៧ ឯកឧត្តម កើត សុធា អភិបាលខេត្តប៉ៃលិន ព្រមទាំង ថ្នាក់ដឹកនាំ មន្ត្រីរាជការ និងកងកម្លាំងប្រដាប់អាវុធ បានអញ្ជើញគោរពវិញ្ញានក្ខ័ន្ធសព លោក រ៉ិត គង់ ប្រធានការិយាល័យគយ និងរដ្ឋករប្រចាំច្រកទ្វារអន្តរជាតិព្រំ នៅគេហដ្ឋានសព ភូមិប៉ាហ៊ីត្បូង សង្កាត់ប៉ៃលិន ក្រុងប៉ៃលិន ខេត្តប៉ៃលិន។
ឯកឧត្តម កើត សុធា អភិបាលខេត្ត បានសំដែងនូវក្តីក្រៀមក្រំ ចូលរួមរំលែកទុក្ខ ជាមួយក្រុមគ្រួសារនៃសព ចំពោះការបាត់បង់លោក រ៉ិត គង់ ដែលជាមន្ត្រីសកម្មស្មោះត្រង់បំរើជាតិ និងប្រជាជនគឺជាការបាត់បង់ធនធានមនុស្សដ៏សំខាន់ ដែលថ្នាក់ដឹកនាំខេត្ត និងមន្ត្រីរាជការទាំងអស់មានការសោកស្តាយជាទីបំផុត និងបានចងចាំជានិច្ចនូវស្នាដៃ របស់លោក រ៉ិត គង់ កន្លងមក ដែលលោកបានខិតខំបំពេញការងារជំនាញរបស់ខ្លួនបានយ៉ាងល្អប្រសើរ។ ឯកឧត្តម កើត សុធា និងមន្ត្រីរាជការបានដាក់ក្រោណផ្កាលំឱនកាយវាចាចិត្តគោរពវិញ្ញាណក្ខន្ធហើយសូមឱ្យវិញ្ញាណក្ខន្ធសពលោក រ៉ិត គង់ បានទៅកាន់សុគតិភពកុំបីឃ្លៀងឃ្លាតឡើយ។
សូមរំលឹកថា៖ លោក រ៉ិត គង់ បានទទួលមរណៈភាព កាលពីវេលាម៉ោង ២៣៖៤០នាទីយប់ ថ្ងៃទី១២ ខែកុម្ភៈ ឆ្នាំ២០១៧ ដោយគ្រោះថ្នាក់ចរាចរណ៍ ក្បែរចំនុចក្បែរសេះប្រាំបី ស្ថិតក្នុងភូមិរថក្រោះឆេះ ឃុំស្ទឹងកាច់ ស្រុកសាលាក្រៅ ខេត្តប៉ៃលិន។
vv
[youtube id= “tCCNTkZSdgw”]
