(12-12-2016) ប៉ៃលិន៖ នៅវត្តអូរដីស្អិត ស្ថិតក្នុងភូមិអូរដីស្អិត ឃុំស្ទឹងត្រង់ ស្រុកសាលាក្រៅ នារសៀលថ្ងៃទី១២ ខែធ្នូ ឆ្នាំ២០១៦នេះឯកឧត្តមកើត សុធា អភិបាលនៃគណៈអភិបាលខេត្តឯកឧត្តម ឡី ចាន់ឆាយ ប្រធានក្រុមប្រឹក្សាខេត្ត អបដំណើរដោយ លោកប្រធាន អនុប្រធានមន្ទីរស្ថាប័នជុំវិញខេត្តបាន អញ្ជើញចូលរួមប្រជុំ ស្តាប់រាល់សំណូមពរ ពីបងប្អូនប្រជាពលរដ្ឋ អំពីតម្រូវការ និងបញ្ហាប្រឈមនានាដែលត្រូវជួយដោះស្រាយ និងផ្សព្វផ្សាយជំរុញបន្ថែមពង្រឹងលើការងារភូមិឃុំមានសុវត្ថិភាព ដែលកិច្ចប្រជុំនេះ មានការចូលរួមពីអស់លោក សមាជិកក្រុមប្រឹក្សាឃុំ លោក លោកស្រីប្រធាន អនុប្រធានភូមិទាំងអស់នៅក្នុងឃុំស្ទឹងត្រង់។
ឯកឧត្តម កើត សុធា បានមានប្រសាសន៍ថា៖ ប្រទេសយើងសព្វថ្ងៃនេះ មានសុខសន្តិភាព ពេញលិញ និងកំពុងមានការអភិវឌ្ឍន៏ រីកចម្រើនលើគ្រប់វិស័យ ទាំងវិស័យពុទ្ធចក្រនិងអាណាចក្រ ដែលមានការខិតខំយកចិត្តទុកដាក់ពីសំណាក់សម្តេចតេជោ ហ៊ុន សែន ជាប្រមុខដឹកនាំដ៏ឈ្លៀសវ៉ៃដោះស្រាយគ្រប់បែបយ៉ាងជូន បងប្អូនប្រជាពលរដ្ឋយើងទាំងអស់ រស់នៅប្រកមុខបរបរទទួលទានឲ្យមានភាពជីវភាពធូធារសំបូរសប្បាយ ។ ក៏ប៉ុន្តែតម្រូវការចាំបាច់ប្រជាំថ្ងៃរបស់បងប្អូន ប្រជាពលរដ្ឋយើងមានច្រើន ដែលបញ្ហាទាំងអស់នេះ អាជ្ញាធរត្រូវដោះស្រាយជូនប្រជាពលរដ្ឋឲ្យបានទាន់ពេល។ ឯកឧត្តមបន្តថា អាជ្ញាធរ ភូមិ ឃុំឬចៅសង្កាត់ ត្រូវក្ដាប់ឲ្យបាន និងជួយដោះស្រាយជូនបងប្អូនប្រជាពលរដ្ឋ នូវសំណូមពរចាំបាច់នានា ហើយលោកមេភូមិមេឃុំឬចៅសង្កាត់ត្រូវផ្តល់សេវាបម្រើដល់បងប្អូនប្រជាពលរដ្ឋឲ្យអស់ពីសមត្ថភាព ជាពិសេសត្រូវជូយណែនាំ ទប់ស្កាត់រាល់ការធ្វើចំណាកស្រុករបស់បងប្អូន ទៅធ្វើការស្រុកគេ ដែលជាបញ្ហាជួបគ្រោះថ្នាក់ផ្សេងៗ កើតឡើងដល់អាយុជីវិត។ ឯកឧត្តមបន្តថា ចំពោះប្រជាការពារភូមិត្រូវបំពេញភារៈកិច្ចរបស់ខ្លួនឲ្យបានល្អ និងពង្រឹងសមត្ថភាពក្នុងការ ទប់ស្កាត់ រាល់បទល្មើសនានា កុំឲ្យកើតមាននៅក្នុងភូមិ ដូចការប្រើប្រាស់គ្រឿងញៀន ល្បែងស៊ីសងផ្សេងៗ និងក្មេងទំនើង ជាដើម ដែលបង្កអសន្តិសុខក្នុងភូមិឃុំយើង ។
ឯកឧត្តមបានផ្តាំផ្ញើដល់មេភូមិ មេឃុំចៅ/សង្កាត់ទាំងអស់ ឲ្យខិតខំប្រឹងប្រែងខ្លាំងក្លាបន្តទៀត បំរើប្រជាពលរដ្ឋឲ្យបានល្អ ឈរលើស្មារតីទទួលខុសត្រូវ។ ម្យ៉ាទៀត បើប្រជាពលរដ្ឋណា មានបញ្ហាអ្វី ត្រូវរាយការណ៏មកមេភូមិ មេឃុំ/ ចៅសង្កាត់ជាបន្ទាន់ ដើម្បីរួមគ្នាដោះស្រាយជូនបងប្អូនបានឆាប់រហ័ស ។ ហើយឯកឧត្តម ក៏បានអំពាវនាវ ឲ្យបងប្អូន ទាំងអស់ត្រូវទៅមើលឈ្មោះរបស់ខ្លួនក្នុងបញ្ជីបោះឆ្នោតដំបូង ដែលមានបិទផ្សាយនៅគ្រប់/ឃុំសង្កាត់ ។ បើឈ្មោះរបស់យើង មានខុសទិន្ន័យណាមួយ ត្រូវប្ដឹង ទៅក្រុមប្រឹក្សាឃុំ/សង្កាត់ ដើម្បីកែតម្រូវ ភ្លាម ដើម្បីយើងមានសិទ្ឋ បោះឆ្នោតជ្រើសរើស ក្រុមប្រឹក្សា ឃុំ/សង្កាត់ នៅពេលខាងមុខនេះ។ ក្នុងឱកាសនោះដែរ ឯកឧត្តមកើត សុធា អភិបាលនៃគណៈអភិបាលខេត្ត ឯកឧត្តម ឡី ចាន់ឆាយ ប្រធានក្រុមប្រឹក្សាខេត្តបានប្រគល់ប័ណ្ណសសើរការងារដល់លោកមេឃុំចៅសង្កាត់ដែលបានចូលយ៉ាងសកម្ម ក្នុងការអភិវឌ្ឍន៏ក្នុងមូលដ្ឋានរបស់ខ្លួនមានការរីកចំរើនកន្លងមកផងដែរ ។
vv
[youtube id= “-597LEEg3Y0”]
