ថ្នាក់ដឹកនាំគណបក្សខេត្ត អញ្ជើញចុះពិនិត្យការកសាងផ្លូវលំចំនួន២ខ្សែស្ថិតក្នុង ឃុំអូរអណ្តូង ស្រុកសាលាក្រៅ

(31-05-2015) ប៉ៃលិន៖ ថ្ងៃទី៣១ ខែឧសភា ឆ្នាំ២០១៥ ឯកឧត្តម កើត សុធា ឯកឧត្តម ឡី ចាន់ឆាយ ប្រធាន អនុប្រធានគណបក្សប្រជាជនកម្ពុជាខេត្តប៉ៃលិន អបដំណើដោយលោក គង់ ដួង ប្រធានគណៈឃោសនា លោកស្រី សោមន្នីរ័ត្ន អនុប្រធានគណៈចាត់តាំង និងប្រធានបក្សឃុំអូរអណ្តូង ព្រមទាំងសមាជិកសមាជិកាបក្សជាច្រើននាក់ទៀត បានអញ្ជើញចុះពិនិត្យការកសាងផ្លូវចំនួន២ខ្សែស្ថិតក្នុងឃុំអូរអណ្តូង ស្រុកសាលាក្រៅ ខេត្តប៉ៃលន។

លោកស្រី សោមន្នីរ័ត្ន ប្រធានមន្ទីរអភិវឌ្ឍន៍ជនបទបានឲ្យដឹងថាៈផ្លូវលំដែលកំពុងដំណើការសាងសង់ពេលនេះគឺខ្សែទី១/មានប្រវែង៦៩០០ម៉ែត្រចាប់ពីភូមិស្រះ២ដល់ភូមិអូរ៧៥ ដាក់លូមូលចំនួន១២ លូប្រអប់ចំនន៤ ដែលកសាងឡើងក្រោមគំរោងរបស់មន្ទីរអភិឌ្ឍន៍ជនបទខេត្ត និងខ្សែទី២/មានប្រវែង៨០០០ម៉ែត្រ ចាប់ពីអូរទឹកភ្លៀវដល់ភូមិអូរ៧៥ ដាក់លូមូលចំនួន៦ កន្លែង លូប្រអប់ចំនួន៣កន្លែង ជាគំរោងរបស់ខេត្ត ។

ឯកឧត្តម កើត សុធា បានមានប្រសាសន៍ថាៈ ផ្លូវលំទាំង២ខ្សែនេះមានសារៈសំខាន់ណាស់ ព្រោះថាវាបានតភ្ជាប់ពីតំបន់មួយទៅតំបន់មួយទៀតហើយក៏ជាសសៃឈាមសេដ្ឋកិច្ចយ៉ាងសំខាន់ផងដែរ។ឯកឧត្តមបន្តថាៈកាលពីមុនផ្លូវទាំងពីរខ្សែនេះជាផ្លូវលំដីមានអូរច្រើនកន្លែងដែលធ្វើឲ្យបងប្អូនប្រជាពលរដ្ឋមានការលំបាកក្នុងការធ្វើដំណើ និងដឹកកសិផលទៅកាន់ទីផ្សា។ដោយពិនិត្យឃើញតម្រូវការជាក់ស្តែងរបស់ប្រជាពលរដ្ឋ អាជ្ញាធរខេត្តបានខិតខំយកចិត្តទុកដាក់លើកគំរោងនិងជំរុញឲ្យមានការកសាងផ្លូវនេះដើម្បីដោះស្រាយទុកកង្វល់របស់បងប្អូនឲ្យទាន់ពេលវេលា។ ឯកឧត្តមបានសំណូមពរដល់បងប្អូនប្រជាពលរដ្ឋដែលរស់នៅសងខាងផ្លូវត្រូវចូលរួមសហការជាមួយអាជ្ញាធរពាក់ព័ន្ធនិងក្រុមហ៊ុនកសាងផ្លូវនេះឲ្យបានល្អ ដូចជាបះពាល់ដីធ្លីនិងផលដំណាំលើចំណីផ្លូវបន្តិចបន្តួចសូមបងប្អូនយោគយល់អធ្យាស្រ័យដើម្បីឲ្យដំណើការកសាងផ្លូវនេះទទួលបានជោគជ័យ ។ ទន្ទឹមនេះថ្នាក់ដឹកនាំខេត្ត ក៏បានជំរុញដល់ក្រុមហ៊ុនអគ្គីសនីរៀបចំ តបណ្តាញអគ្គីសនីជូនប្រជាពលរដ្ឋអោយបានប្រើប្រាស់ក្នុងពេលឆាប់ខាងមុខនេះ ព្រោះបប្បន្ននេះក្រុមហ៊ុនដាក់បង្គោលនិងរាយខ្សែរួចរាល់ហើយ។

បងប្អូនប្រជាពលរដ្ឋបានថ្លែងអំណគុណដល់ថ្នាក់ដឹកនាំខេត្តដែលបានយកចិត្តទុកដាក់ធ្វើផ្លូវនេះឡើងធ្វើឲ្យពួកគាត់បានធ្វើដំណើនិងដឹកកសិផលទៅកាន់ទីផ្សាបានឆាប់រហ័ស។