(19-10-2016) ប៉ៃលិន៖ រសៀលថ្ងៃទី១៩ខែតុលាឆ្នាំ២០១៦ថ្ងៃទី១៦ខែតុលា ឆ្នាំ២០១៦សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា អញ្ជើញជួបសំណេះសំណាលជាមួយលោកគ្រូ អ្នកគ្រូ ប្រជាពលរដ្ឋលោកយាយលោតា និងសិស្សានុសិស្សក្នុងខេត្តប៉ៃលិនចំនួន ៨សាលារួមមានសាលាបឋមសិក្សា សាលាអនុវិទ្យាល័យ និងវិទ្យាល័យ ក្នុងឱកាសដែលសម្តេចអញ្ជើញបំពេញបេសកកម្មមកកាន់ខេត្តប៉ៃលិន ដើម្បីពិនិត្យមើលស្ថានភាពជីវភាពរស់នៅ ព្រមទាំងពិនិត្យមើលនូវសមិទ្ធិផលជាតិដែលសម្រេចបាន និងការផ្គត់ផ្គង់បន្ថែមទៀតទៅតាមតម្រូវការចាំបាច់។ សាលាបឋមសិក្សាភ្នំកុយគឺជាទីតាំងសាលាទីមួយដែលសម្តេចបានអញ្ជើញចូលពិនិត្យ និងសាកសួរសុខទុក្ខលោកគ្រូអ្នកគ្រូ សិស្សានុសិស្សជាមួយគ្នានេះសាលាចំនួន៧ផ្សេងទៀតសម្តេចក៏បានអញ្ជើញពិនិត្យមើលអំពីទីតាំងនិងស្ថានភាពជាក់ស្តែងរបស់សាលារៀននីមួយៗ។ ទន្ទឹមជាមួយនឹងការចុះពិនិត្យនោះសម្តេចតេជោ ក៏បានសម្រេចផ្តល់ជូននូវអគារសាលារៀន អគារសម្រាប់ស្នាក់នៅរបស់លោកគ្រូ អ្នកគ្រូ អគារសម្រាប់សិស្សស្នាក់នៅ បណ្ណាល័យ ទីចាត់ការសាលា ទីធ្លាសម្រាប់កីឡាបាល់ទាត់ បាល់ទះ បាល់បោះ ម៉ាស៊ីនកុំព្យូទ័រ ម៉ាស៊ីនព្រីនធ័រ និងម៉ាស៊ីនហ្វូតូកូពី ដល់សាលាផងដែរ។
សាលាដែលសម្តេចតេជោបានផ្តល់ជូនសមិទ្ធិផលថ្មីៗថែមទៀតរួមមាន៖ ១.សាលាបឋមសិក្សាភ្នំកុយ ទទួលបាន អគារសិក្សា១ខ្នង កំពស់ពីរជាន់មានចំនួន១២បន្ទប់ របងព័ទ្ធជុំវិញសាលា អគារទីចាក់ការ១ខ្នង មានបីបន្ទប់ បណ្ណាល័យមួយខ្នង អគារសម្រាប់មតេយ្យសិក្សា១ខ្នង មានបីបន្ទប់ ម៉ាស៊ីនកុំព្យូទ័រចំនួន១០គ្រឿង ម៉ាស៊ីនព្រីនធ័រ០២គ្រឿង និងម៉ាស៊ីនហ្វូតូកូពី០១គ្រឿង ទីធ្លាសម្រាប់គីឡាបាល់ទាត់ បាល់ទះ និងបាល់បោះ និងបានឧបត្ថមថវិកាដល់លោកគ្រូអ្នកគ្រូក្នុងម្នាក់ៗ៥ម៉ឺនរៀល និងសិស្សានុសិស្សម្នាក់១ម៉ឺនរៀល ។ ២.សាលាវិទ្យាល័យ ហ៊ុន សែន សាលាក្រៅ ត្រូវបានសម្តេច សម្រេចធ្វើការផ្លាស់ប្តូរទីតាំងទាំងស្រុង ដោយសារដីវិទ្យាល័យបច្ចុប្បន្ននេះស្ថិតក្នុងស្ថានទំនាបងាយរងគ្រោះដោយសារជន់លិច និងធ្វើឲ្យប៉ះពាល់ដល់ការបង្រៀន និងការរៀនរបស់លោកគ្រូ អ្នកគ្រូ និងសិស្សានុសិស្ស ព្រមទាំងសុវត្តិភាពផងដែរ ។ សម្រាប់ទីតាំងសាលាថ្មីគឺស្ថិតក្នុងភូមិកូនភ្នំ ឃុំអូរអណ្តូង ស្រុកសាលាក្រៅ មានទំហំផ្ទៃដីទទឹម១០០ម និងបណ្តោយ១៥០ម ជាទីតាំងមានស្ថានភាពដីទួលមិនរងការប៉ះពាល់ពីការជន់លិច ហើយសមិទ្ធិផលថ្មីដែលត្រូវផ្តល់ជូនដល់វិទ្យាល័យនេះសាលាក្រៅរួមមាន អគារសិក្សា១ខ្នង៣ជាន់ មាន៣០បន្ទប់ ផ្ទះស្នាក់នៅគ្រូចំនួន១ខ្នងកំពស់ពីរជាន់ មាន១០បន្ទប់ អគារស្នាក់នៅសិស្សមានចំនួន១ខ្នង កំពស់ពីរជាន់ មាន១០បន្ទប់ អគារទីចាត់ការ១ខ្នងមានបីបន្ទប់ បណ្ណាល័យ១ខ្នង និងទីធ្លាសម្រាប់លែងកីឡា ដោយឡែកទីតាំងចាស់ទុកសម្រាប់ជាការិយាល័យអប់រំស្រុក និងជាមជ្ឈមណ្ឌលបណ្តុះបណ្តាលវិជ្ជាជីវះសម្រាប់ស្រុកសាលាក្រៅ ។ ៣.អនុវិទ្យាល័យសន្តិភាព ទទួលបានអគារសិក្សា១ខ្នង កំពស់២ជាន់ មាន១២បន្ទប់ អគារទីចាត់ការ១ខ្នងមានបីបន្ទប់ របងព័ទ្ធជុំវិញសាលា ម៉ាស៊ីនកុំព្យូទ័រ០២គ្រឿង ម៉ាស៊ីនព្រីនធ័រ១គ្រឿង ម៉ាស៊ីនហ្វូតូកូពី០១គ្រឿង និងទីធ្លាសម្រាប់លែងកីឡា។ ៤.សាលាបឋមសិក្សាទួលល្វា ទទួលបាន អគារសិក្សា១ខ្នងមាន៥បន្ទប់ ទីចាត់ការសាលា១ខ្នងមាន៣បន្ទប់ ។ ៥.អនុវិទ្យាល័យបយ៉ាខា ទទួលបាន អគារសិក្សា១ខ្នងកំពស់២ជាន់មាន១២បន្ទប់ អគារទីចាត់ការសាលា១ខ្នងមាន៣បន្ទប់ ។ ៦.សាលាបឋមសិក្សាបយ៉ាខា ទទួលបានរបងព័ទ្ធជុំវិញសាលា និងទីធ្លាសម្រាប់កីឡាបាល់ទាត់ បាល់ទះ និងបាល់បោះ។ ៧.សាលាបឋមសិក្សាអូរច្រារ ទទួលបានអគារសិក្សា១ខ្នងកំពស់៣ជាន់មាន១៥បន្ទប់ និងអគារទីចាត់ការសាលា១ខ្នងមាន៣បន្ទប់ ។ ៨.វិទ្យាល័យហ៊ុន សែន ក្រុងទេពនិម្មិតប៉ៃលិន ទទួលបាន អគារសិក្សា១ខ្នង៣ជាន់ មាន៣០បន្ទប់ ផ្ទះស្នាក់នៅគ្រូចំនួន១ខ្នងកំពស់ពីរជាន់ មាន១០បន្ទប់ អគារស្នាក់នៅសិស្សមានចំនួន១ខ្នង កំពស់ពីរជាន់ មាន១០បន្ទប់ អគារទីចាត់ការ១ខ្នងមានបីបន្ទប់ បណ្ណាល័យ១ខ្នង និងទីធ្លាសម្រាប់លែងកីឡា។ ដោយឡែកលោគ្រូអ្នកគ្រូទាំង៨សាលាទទួលបានថវិកាឧបត្ថមក្នុងម្នាក់៥០.០០០រៀល និងសិស្សនុសិស្សក្នុងម្នាក់១០.០០០រៀល។
ក្នុងការលើកស្ទួយវិស័យអប់រំក្នុងខេត្តប៉ៃលិន នាដំណើរបំពេញបេសកកម្មការងារក្នុងខេត្តប៉ៃលិន សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា បានផ្តល់អគារទាំងអស់សរុប៥៦ខ្នង ស្មើនឹង៥០៦បន្ទប់ ដល់លោកគ្រូ អ្នកគ្រូ សិក្សានុសិស្សហើយសមិទ្ធិផលទាំងអស់នេះនឹងក្លាយជាថ្នាលបណ្តុះបណ្តាលនូវគុណភាពអប់រំរបស់កម្ពុជាឲ្យកាន់តែខ្លាំងក្លា ជាពិសេសក្នុងចំណោមយុវជនដែលជាទំពាំងស្នងឬស្សីរបស់សង្គមជាតិសម្រាប់ជំនាន់នេះ និងជំនាន់ក្រោយៗ។
អត្ថបទ៖ លោក គង់ ជឺ
vv
[youtube id= “ZuJe6_gLOQo”]
