(14-05-2015) ប៉ៃលិន៖ ល្ងាចថ្ងៃទី១៤ ខែឧសភា ឆ្នាំ២០១៥ លោក ឌិន គឹម ប្រធានក្រុមការងារគណបក្សប្រជាជនកម្ពុជាចុះជួយសង្កាត់ទួលល្វា បានអញ្ជើញបើកកិច្ចប្រជុំជាមួយប្រធានក្រុមគណបក្សសង្កាត់ និងក្រុមបក្សភូមិទាំងអស់ក្នុងសង្កាត់ទួលល្វា ដើម្បី ផ្សព្វផ្សាយសេចក្តីថ្លែងការរួមរវាងគណបក្សប្រជាជនកម្ពុជា និងគណបក្សសង្គ្រោះជាតិ ស្តីពីការអនុវត្តវប្បធម៌សន្ទនាពិភាក្សារៀបចំសមាសភាពសមាជិក សមាជិការ ក្រុមការងាបក្សចុះជួយភូមិនានាក្នុងសង្កាត់ទួលល្វា និងពិភាក្សារៀបចំកសាងក្រុមការងារយុវជនគណបក្សក្នុងសង្កាត់ទួលល្វាដើម្បីជាកំលាំងស្នូល ពង្រឹង ពង្រីកសមាជិកកប្សក្នុងសង្កាត់អោយរឹងមាំថែមទៀត។
លោក ឌិន គឹម ប្រធានក្រុមការងារគណបក្សប្រជាជនកម្ពុជាចុះជួយសង្កាត់ទួលល្វាបានមានប្រសាសន៍ថា សេចក្តីថ្លែងការណ៍រួមរវាងគណបក្សប្រជាជនកម្ពុជា និងគណបក្សសង្គ្រោះជាតិ ស្តីពីការអនុវត្តវប្បធម៌សន្ទនាមាន៧ចំណុចដូចជា ទី១-ស្មោះត្រង់នឹងគ្នា យកវប្បធម៌សន្ទនាធ្វើជាមូលដ្ឋាន ក្នុងការពិភាក្សាដោះស្រាយដោយសន្តិវិធីនូវរាល់បញ្ហាជាតិ និងសង្គម ដែលភាគីទាំងពីរអាចមានទស្សនៈមិនទាន់ស្របគ្នា។ ទី២ គោរព និងអោយតំលៃគ្នាទៅវិញ ទៅមក ។ ទី៣ ជៀសវាងអោយខាងតែបាននូវការញោះញង់ ការលាបពណ៌គ្នា ការប្រើពាក្យអសុរោះ និងការជេប្រមាថគ្នា ដូចជាប្រើពាក្យ អាក្បាលយួនខ្លួនខ្មែរ អាក្បត់ជាតិអាលក់ជាតិអាមេចោរ អាកូនចោរជាដើម។ ទី៤ ជៀសវាងការគំរាមកំហែង ការបំភ័យតាមគ្រប់រូបភាពដូចជាប្រើពាក្យចាប់ដាក់គុកសង្រ្គាមនឹងកើតឡើងជាដើម។ ទី៥ លុបបំបាត់ចោលនូវគំនិតនៃការគុំគួន សងសឹកគ្នា បញ្ចប់នូវនយោបាយទឹកឡើងត្រីស៊ីស្រមោច ទឹកហោច ស្រមោចស៊ីត្រី។ ទី៦ លុបបំបាត់ចោលនូវនយោបាយប្រកាន់ពូជសាសន៍និងនយោបាយជ្រុលនិយម។ទី៧ អប់រំណែនាំជាប្រចាំដល់មន្រ្តីគណបក្ស សមាជិក សមាជិកា និងអ្នកគាំទ្របក្សរៀងខ្លួនចាប់តាំងពីថ្នាក់ជាតិ ដល់ថ្នាក់មូលដ្ឋាន អោយអនុវត្តខ្លឹមសារខាងលើនេះអោយមានប្រសិទ្ធភាពខ្ពស់។ លោកឌិនគឹមបានបន្តថា ខ្លឹមសារថ្លែងការរួមរបស់គណបក្សទាំងពីរនេះ យើងនៅថ្នាក់មូលដ្ឋានត្រូវចូលរួមអនុវត្ត អោយបានល្អ និងត្រូវណែនាំបន្តដល់សមាជិកសមាជិការបក្សរបស់យើង កុំអោយអនុវត្តអ្វីផ្ទុយពីសេចក្តីថ្លែងការណ៍ រួមរបស់គណបក្សទាំងពីរ ហើយបើមានបញ្ហារំលោភបំពានដោយប្រការណ៍ណាមួយ នៅក្នុងសេចក្តីថ្លែងការណ៍នេះ យើងត្រូវដោះស្រាយសម្របសម្រួលគ្នាអោយបានល្អ។
ទាក់ទងទៅនឹងការបង្កើតយុវជនគណបក្ស និងការរៀបចំសមាសភាពសមាជិក សមាជិការក្រុមការងារចុះជួយភូមិនានាក្នុងសង្កាត់ទួលល្វា លោក ឌិនគឹម បានមានប្រសាសន៍ថា លោកប្រធានភូមិ លោកចៅសង្កាត់ត្រូវប្រញ៉ាប់ធ្វើបញ្ជីឈ្មោះ អោយបានច្បាស់លាស់ បញ្ជូនមកក្រុមការងារចុះជួយសង្កាត់ដើម្បីធ្វើការសំរេច នឹងបានចូលរួមក្នុងការអនុវត្តការងាររបស់គណបក្សយើងអោយទទួលបានជោគជ័យ សំរាប់ការបោះឆ្នោតនៅពេលខាងមុខ ។
[youtube id= “qh7k0_I4JVg”]
