ឯកឧត្តម ឡី ចាន់ឆាយ ប្រធានក្រុមប្រឹក្សាខេត្ត ឯកឧត្តម កើត សុធា អភិបាលខេត្តប៉ៃលិនដឹកនាំ មន្ត្រីរាជការ កងកម្លាំង ប្រដាប់អាវុធ អញ្ជើញគោរពវិញ្ញាណក្ខ័ន្ឋសព លោក ឡុង ណាត អតីត:សមាជិកក្រុមប្រឹក្សាក្រុងប៉ៃលិន

(13-06-2016) ប៉ៃលិន៖ ថ្ងៃទី ១៣ ខែមិថុនា ឆ្នាំ ២០១៦ ឯកឧត្តម ឡី ចាន់ឆាយ ប្រធានក្រុមប្រឹក្សាខេត្ត ឯកឧត្តម កើត សុធា អភិបាលខេត្តប៉ៃលិនបានដឹកនាំលោក លោកស្រី មន្ត្រីរាជការ លោកមេបញ្ជាការ មេបញ្ជាការរង កងកម្លាំង ប្រដាប់អាវុធ អញ្ជើញគោរពវិញ្ញាណក្ខ័ន្តសពលោក ឡុង ណាត អតីត: សមាជិកក្រុមប្រឹក្សាក្រុងប៉ៃលិន ដែលបានទួលមរណៈភាព កាលពីថ្ងៃទី ១០ ខែមិថុនា ឆ្នាំ ២០១៦ វេលាម៉ោង ៥:២០នាទី ល្ងាច ក្នុងជន្មាយុ ៦៩ ឆ្នាំដោយរោគពាធនៅគេដ្ឋានសព លោក ឡុង ណាត ស្ថិតនៅភូមិសួនអំពៅ សង្កាត់ប៉ៃលិន ក្រុងប៉ៃលិន ខេត្តប៉ៃលិន ។

ឯកឧត្តម កើត សុធា គណៈអភិបាលខេត្តប៉ៃលិន តំណាងមន្រ្តីរាជការ និងកងកម្លាំងប្រដាប់អាវុធក្នុងខេត្តទាំងអស់ បានសម្ដែងនូវការសោកស្តាយយ៉ាងក្រៃលែងចំពោះការបាត់បង់អាយុជីវិតរបស់លោកឡុង ណាត ដែលកន្លងមកស្ទើរមួយជីវិតលោកបានល:បង់កម្លាំងកាយចិត្ត រួមចំណែកយ៉ាងសកម្ម បំរើជាតិប្រជាជនរហូតដល់ជីវិតចុងក្រោយ ហើយលោកឡុង ណាតក៏ជាស្វាមី ជាឳពុក ជាបង ជាប្អូនដ៏ល្អ នៅក្នុងសង្គម ។ ឯកឧត្តមសូមចូលរួមរំលែកទុក្ខដ៏ក្រៀមក្រំនេះ ជាមួយក្រុមគ្រួសារសព និងសូមបួងសួងដល់វិញ្ញាណក្ខ័ន្ឋលោកឡុង ណាត បានសោយសុខក្នុងសុគតិភពកុំបីខាន។

នៅល្ងាចថ្ងៃដដែល ឯកឧត្តម ឡី ចាន់ឆាយ ក្នុងនាមប្រធានក្រុមប្រឹក្សាខេត្ត ក៏បានអញ្ជើញផ្តល់ភ្លើងបូជាសព ជូនលោក ឡុង ណាត ដែលជាសមាជិកក្រុមប្រឹក្សាក្រុង ប៉ៃលិន និងដោយមានការអញ្ជើញចូលរួមយ៉ាងច្រើនកុះករ ពីសាច់ញាតិ មន្រ្តីរាជការ កងកំលាំងប្រដាប់អាវុធ និងបងប្អូនប្រជាពលរដ្ឋ ដែលជាការជូនដំណើរលើកចុងក្រោយសូមឲ្យវិញ្ញាណក្ខ័ន្ឋលោកឡុង ណាត បានទៅកាន់សុគតិភព៕

[youtube id= “cw93WEDQjw4”]

គេហទំព័ររបស់គណបក្សតាមបណ្តារាជធានី ខេត្ត