(26-05-2016) ប៉ៃលិន៖ កាលពីថ្ងៃទី២៦ ខែឧសភា ឆ្នាំ២០១៦នេះ ឯកឧត្តម ផាន់ ចាន់ធុល អភិបាលរងខេត្តប៉ៃលិនរួមដំណើរដោយលោក តង់ ធារ៉ា ប្រធានមន្ទីរអប់រំយុវជននិងកីឡាខេត្តព្រមទាំងមន្ត្រីក្រោមឱវ៉ាទបានអញ្ជើញសាកសួរសុខទុក្ខនិងនាំយកសំភារៈសិក្សាទៅឧបត្ថម្ភដល់ក្មួយៗសិក្សានុសិស្ស និងសំភារៈសំរាប់ជួសជុលសាលាបឋមសិក្សាប៉ាងរលឹម ស្ថិតនៅភូមិប៉ារលឹម សង្កាត់អូតាវ៉ៅ ក្រុងប៉ៃលិន និងសាលាបឋមសិក្សាភូមិភ្នំក្រេញ ឃុំស្ទឹងត្រង់ ស្រុកសាលាក្រៅ ខេត្តប៉ៃលិន។
លោកតង់ ធារ៉ាប្រធានមន្ទីរអប់រំយុវជននិងកីឡាខេត្តប៉ៃលិនបានអោយដឹងថា៖ដោយមើលឃើញនៅភូមិទាំងពីរនេះមានប្រជាពលរដ្ឋរស់នៅលំបាក គ្មានលទ្ធភាពបញ្ជូនកូនទៅសិក្សារៀនសូត្រនៅឆ្ងាយពីផ្ទះ មន្ទីរអប់រំយុវជននិងកីឡាបានសហការជាមួយសហគមន៍បានកសាងសាលាបឋមសិក្សានេះអំពីឈើ ដើម្បីអោយកូនចៅប្រជាពលរដ្ឋនៅមូលដ្ឋានបានរៀនសូត្រ។លោកបន្តថាៈចំពោះ លោកគ្រូ អ្នកគ្រូបង្រៀន មន្ទីរអប់រំយុវជននិងកីឡាខេត្តបានបញ្ជូនអោយមកបង្រៀនតាមកម្មវិធីសិក្សាដូចសាលារៀនផ្សេងទៀតផងដែរ ។តែដោយសារ សាលារៀនទំាងពីរខ្នងនេះ មានសភាពទ្រុឌទ្រូមយ៉ាងខ្លាំង ថ្នាក់ដឹកនាំខេត្តក៏បាននាំយកសំភារៈនិងស័ង្សីចំនួន៤០ សន្លឹក ដើម្បីជួសជុលសាលារៀនទាំងពីរខ្នងនេះឡើងវិញ។ទន្ទឹមនេះថ្នាកដឹកនាំខេត្តក៏បាននាំយកសំភារៈសិក្សា ទៅឧបត្ថម្ភដល់ក្មួយៗសិស្សានុសិស្សចំនួន៧២នាក់ក្នុងម្នាក់ៗទទួលបានកាតាប១ សៀវភៅ៣ក្បាល ប៉ិច៣ដើម ទឹកសុទ្ធ និងថវិកា២០០០រៀល។
ឯកឧត្តម ផាន់ ចាន់ធុល អភិបាលរងខេត្តប៉ៃលិនបានមានប្រសាសន៏ កោតសសើរដល់មន្ត្រីអប់រំ ដែលបានខិតខំប្រឹងប្រែងយកចិត្តទុកដាក់បណ្តុះបណ្តាលចំនេះដឹងដល់ក្មួយៗសិស្សានុសិស្ស ដែលរស់នៅភូមិដាច់ស្រយាលដែលគ្មានលទ្ធភាពបញ្ជូនកូនទៅសិក្សាឆ្ងាយ ។ឯកឧត្តមបន្តថា៖រាជរដ្ឋាភិបាលកម្ពុជាក្រោមការដឹកនាំរបស់ម្តេចតេជោ ហ៊ុនសែន នាយករដ្ឋមន្ត្រីកម្ពុជាបានធ្វើអោយប្រទេសមានសុខសន្តិភាពបានរក្សាសណ្តាប់ធ្នាប់បានល្អដែលធ្វើអោយក្មួយៗបានសិក្សារៀនសូត្រ ក្រេបយកចំនេះវិជ្ជា ដើម្បីក្លាយខ្លូនជាធនធានមួយសំរាប់កសាងប្រទេសជាតិអោយមានការីកចំរើនទៅថ្ងៃអនាគត់។ ដូច្នេះក្មួយៗទាំងអស់ត្រូវតស៊ូរៀនសូត្រ ស្តាប់ដំបូងន្មានលោកគ្រូអ្នកគ្រូ ជាពិសេសត្រូវស្តាប់ការណែនាំពីមាតាបិតា។ទន្ទឹមនេះលោកគ្រូអ្នកគ្រូត្រូវបន្តយកចិត្តទុកបង្រៀនដល់សិស្សានុសិស្សអោយបានល្អ ដើម្បីក្លាយខ្លួនជាទំពាំងស្នងឬស្សីសំរាប់បន្តវេនកសាងអភិឌ្ឍន៍ប្រទេសជាតិអោយរីកចំរើនឡើងតទៅថ្ងៃអនាគត់។
vv
[youtube id= “jgwQzQlsWxI”]
