(12-05-2016) ប៉ៃលិន៖ នៅទីធ្លាសាលាខេត្តប៉ៃលិនព្រឹកថ្ងៃទី១២ឧសភាឆ្នាំ២០១៦ រដ្ឋាបាលខេត្តបានរៀបចំ ប្រារព្ធព្រះរាជពិធីបុណ្យចម្រើនព្រះជន្ម ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា ក្នុងគំរប់ព្រះជន្ម៦៣ យាងចូល ៦៤ ព្រះវស្សា ក្រោមអធិបតីភាព ឯកឧត្តម កើត សុធា អភិបាលនៃគណៈអភិបាលខេត្តប៉ៃលិន និង លោកជំទាវ គង់ស្តី កើតសុធាឯកឧត្តម ឡី ចាន់ឆាយ ប្រធានក្រុមប្រឹក្សាខេត្ត ព្រមទាំងថ្នាក់ដឹកនាំ មន្ត្រីរាជការ កងកម្លាំងប្រដាប់អាវុធ លោកគ្រូអ្នកគ្រូ សិស្សានុសិស្ស ព្រះសង្ឃនិងបងប្អូនប្រជាពលរដ្ឋខេត្តប៉ៃលិនយ៉ាងច្រើនកុះករ។
បន្ទាប់ពីថ្វាយរបាំងជូនពរ និងគណៈធិបតីថ្វាយបាច់ផ្កាចំពោះព្រះឆាយាលក្ខណ៍ព្រះករុណាព្រះបាទសម្តេចព្រះបរម នាថនរោត្តម សីហមុនី រួចមកឯកឧត្តម កើត សុធា អភិបាលនៃគណៈអភិបាលខេត្តប៉ៃលិនបានអានសារលិខិត ថ្វាយព្រះករុណាព្រះបាទសម្តេចព្រះបរមនាថ នរោត្តម សីហមុនីព្រះមហាក្សត្រ នៃ ព្រះរាជាណាចក្រកម្ពុជា ដែលមានខ្លឹមសារថាៈ ទូលព្រះបង្គុំយើងខ្ញុំព្រះករុណាជាថ្នាក់ ដឹកនាំ មន្ត្រីរាជការ កងកម្លាំង ប្រដាប់អាវុធ និងប្រជាពលរដ្ឋនៅខេត្តប៉ៃលិនទាំងមូលមានទឹកចិត្តសោមនស្សរីករាយក្រៃលែងនិងមានអំណសាទរជាអនេកកប្បការ ក្នុងឱកាសព្រះរាជពិធីបុណ្យចម្រើនព្រះជន្មគំរប់ ៦៣ យាងចូល ៦៤ ព្រះវស្សារបស់ ព្រះករុណាព្រះបាទសម្តេចព្រះបរម នាថនរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជាជាទីគោរពសក្ការៈខ្ពង់ខ្ពស់បំផុត នៅថ្ងៃសុក្រ សៅរ៍ អាទិត្យទី ៨ ៩១០ ខែពិសាខ ឆ្នាំវក អដ្ឋស័ក ព.ស ២៥៦០ ត្រូវនឹងថ្ងៃទី១៣ ១៤ ១៥ឧសភាឆ្នាំ២០១៦ នេះ ។ ទូលព្រះបង្គុំយើងខ្ញុំទាំងអស់គ្នា សូមព្រះរមរាជានុញ្ញាតក្រាបបង្គំថ្វាយព្រះរាជសព្ទសារធុការពរថ្វាយព្រះករុណាជាអម្ចាស់ជីវិតលើត្បូងជាទីគោរពសក្ការៈដ៏ខ្ពង់ខ្ពស់បំផុត សូមព្រះអង្គទ្រង់ប្រកបដោយព្រះរាជសុខភាពបរិបូរណ៍ព្រះកាយពលមាំមួន ព្រះរាជបញ្ញាញាណឈ្លាសវៃ សិរីវឌ្ឍនា ព្រះជន្មាយុយឺនយូរជាងរយព្រះវស្សា ដើម្បីព្រះអង្គគង់ប្រថាប់ជាម្លប់ដ៏ត្រជាក់ត្រជុំ ដល់ទូលព្រះបង្គុំយើងខ្ញុំទាំងអស់គ្នា ដែលជាប្រជារាស្ត្ររបស់ព្រះអង្គជារៀងរហូតដ៏រាបរហូតទៅ។
ទូលព្រះបង្គុំយើងខ្ញុំទាំងអស់គ្នាសូមប្តេជ្ញាដង្ហែតាមព្រះរាជតម្រិះប្រកបដោយព្រះរាជគតីបណ្ឌិតរបស់ព្រះករុណាជាអង្គម្ចាស់ជីវិតលើត្បូង ដោយបូជាកម្លាំងកាយប្រាជ្ញាស្មារតីរហូតដល់ជីវិតដើម្បី ជាតិ សាសនា ព្រះមហាក្សត្រ ព្រមទាំងបម្រើឧត្តមប្រយោជន៍ជាតិ និងការអភិឌ្ឍន៍មាតុភូមិ អោយសម្បូសប្បាយ ថ្កុំថ្កើងរុងរឿងស្របតាមព្រះរាជតម្រិះ និងព្រះរាជហប្ញទ័យយកចិត្តជាខ្លាំងរបស់ព្រះអង្គ។ក្នុងឱកាសដែរ ថ្នាក់ដឹកនាំខេត្តក៏ចែកអំណោយដល់លោកតា លោកយាយផងដែរ។
vv
[youtube id= “w9993nZAKLI”]
