(26-04-2016) ប៉ៃលិន៖ ឯកឧត្តម កើត សុធា អភិបាលនៃគណៈអភិបាលខេត្តប៉ៃលិន នៅព្រឹកថ្ងៃទី២៧ខែមេសា ឆ្នាំ២០១៦ បានដឹកនាំកងកំលាំងប្រដាប់អាវុធ មន្រ្តីរាជការ និងសប្បុរសជននានាក្នុងខេត្ត ចុះផ្តល់ទឹកជូនប្រជាពលរដ្ឋដែលកំពុងជួបបញ្ហាប្រឈមខ្វះខាតទឹកប្រើប្រាស់ចំនួន០២ភូមិគឺ ភូមិថ្មី ស្ថិតក្នុងសង្កាត់ទួលល្វា និងភូមិទួលខៀវ ស្ថិតក្នុងសង្កាត់ប៉ៃលិន ក្រុងប៉ៃលិន សរុបមានចំនួន១៦៧គ្រួសារ ស្មើនិងមនុស្សរាយមានចំនួន៧៣៤នាក់។
ក្នុងឱកាសនោះឯកឧត្តម កើត សុធា អភិបាលខេត្តប៉ៃលិនមានប្រសាសន៏ថា ក្នុងឆ្នាំនេះ ស្ថានភាពជាទូទៅស្ទើរទូទាំងប្រទេស និងប្រទេសជិតខាងមួយចំនួនបានជួបបញ្ហាខ្វះខាតទឹកប្រើប្រាស់នេះ ដោយសារការបម្រែបម្រួលអាកាសធាតុ ក្នុងនោះរួមមានការកើនឡើងកំដៅខ្លាំង ស្រះទឹក អណ្តូង អូរ ស្ទឹង បានរីងហួតហែងស្ទើទាំងអស់ ធ្វើអោយប្រជាពលរដ្ឋខ្វះខាតទឹកប្រើប្រាស់ និងបរិភោគប្រចាំថ្ងៃ ។ ទមន្ទឹមការការចុះផ្តល់ទឹកនៅតាមផ្ទះជូនប្រជាពលរដ្ឋ ដើម្បីដោះស្រាយការលំបាកចំពោះមុខ អាជ្ញាធរខេត្តក៏បានប្រើប្រាស់មធ្យោបាយផ្សេងទៀត ក្នុងនោះបាន ជំរុញឲ្យមន្ទីរជំនាញ ពាក់ព័ន្ធនានា ដូចជាមន្ទីរធនធានទឹកចុះបូមទឹកជូនប្រជាពលរដ្ឋសម្រាប់ទីតាំងណាដែលមានប្រភពទឹកសម្រាប់បូម ក្នុងនោះសម្រេចបានការការបូមសង្រ្គោះជូនប្រជាពលរដ្ឋ០២ភូមិ ក្នុងឃុំសាលាក្រៅដែលមានប្រជាពលរដ្ឋ៦៥០គ្រួសារ និង ការប្រើប្រាស់គ្រឿងចក្រចុះកាយស្រះនៅតាមពោះអូរដែលរីងស្ងួតហើយបានទទួលទឹកប្រើប្រាស់ចំនួន២១កន្លែង ស្មើនិងចំនួន៣០ភូមិ ប្រជាពលរដ្ឋដែលទទួលផលមានចំនួន២៣១០គ្រួសារ។ មន្ទីរសាធារណៈការក៏បានចុះកាយស្រះចំនួន០៤កន្លែង និងមន្ទីរអភិវឌ្ឍន៏ជនបទខេត្តចុះធ្វើការជួសជុលអណ្តូងនៅតាមភូមិ ឃុំ សង្កាត់ នានាដែលមានស្រាប់ជូនបងប្អូនប្រជាពលរដ្ឋចំនួន១៣កន្លែង ។ ដោយឡែកអាជ្ញាធរក្រុងប៉ៃលិនក៏បានសហការជាមួយស្នងការនគរបាលខេត្ត ដឹកទឹកចែកជូនប្រជាពលរដ្ឋរស់នៅភូមិក្រចាប់លើ សង្កាត់អូរតាវ៉ៅ ក្រុងប៉ៃលិន បានចំនួន២៥៤គ្រួសារផងដែរ។ នៅក្នុងកិច្ចអន្តរាគមន៏ចុះចែកទឹកជូនប្រជាពលរដ្ឋនោះគឺប្រើប្រាស់រថយន្តពន្លត់អគ្គីភ័យរបស់ស្នងការនគរបាលខេត្ត ចុះដល់ផ្ទះប្រជាពលរដ្ឋដោយធ្វើការប្រមូលផ្តុំគ្រួសារមួយកន្លែងៗពី៥ គ្រួសារទៅ និងការផ្តល់ទឹកដល់ពាងឬអាងសម្រាប់ទីតាំងណាដែលរថយន្តចូលទៅដល់ និងប្រើប្រាស់ប៊ីដុងឬសំភារៈផ្សេងៗដែលអាចដាក់ទឹកបាន ក្នុងនោះឯកឧត្តមអភិបាលខេត្តបានណែនាំឲ្យកំលាំងចុះអន្តរាគមន៏ យកចិត្តទុកដាក់ផ្តល់ទឹកដល់ផ្ទះសម្រាប់គ្រួសារដែលខ្វះលទ្ធភាពពលកម្មរួមមាន លោកយាយលោកតាចាស់ជរា ស្រ្តីមេយ៉ាយ គ្រួសារមានជំងឺ ជនពិការ និងបានផ្តល់ទឹកសុទ្ធជូនលោកគ្រូអ្នកគ្រូដែលកំពុងបង្រៀននៅក្នុងសាលាបឋមសិក្សាភូមិថ្មីផងដែរ។
vv
[youtube id= “MXNaLGD-ciM”]
