(28-01-2016) ប៉ៃលិន៖ ព្រឹកថ្ងៃទី២៨ ខែមករា ឆ្នាំ២០១៦ សាខាកាំកុងត្រូលខេត្តប៉ៃលិនដឹកនាំដោយលោកប៊ុន សាម៉េត អនុសាខាកាំកុងត្រូល និងលោកគិត សុវណ្ណា អនុសាខាកាំកុងត្រូល សហការជាមួយមន្ទីរពាណិជ្ជកម្មខេត្តប៉ៃលិន បានធ្វើការចុះត្រួតពិនិត្យនិងធ្វើតេស្តទៅលើស្ករត្នោតដើម្បីរកសារធាតុ សូដ្យូមអ៊ីដ្រូសុលហ្វីត ស្ថិតនៅផ្សារប៉ាហ៊ី ខេត្តប៉ៃលិន។
លោក ប៊ុន សាម៉េត អនុសាខាកាំកុងត្រូលខេត្តប៉ៃលិនបានអោយដឹកថា៖ដោយមានអនុវត្តតាមបទបញ្ជារបស់ឯកឧត្តមប្រតិភូរាជរដ្ឋាភិបាលទទួលបន្ទុកជាអគ្គនាយកកាំកុងត្រូល ដូច្នោះហើយសាខាកាំកុងត្រូលខេត្តប៉ៃលិនបានចុះត្រួតពិនិត្យជាបន្ទាន់ដើម្បីរកសារធាតុសូដ្យូមអ៊ីដ្រូសុលហ្វីតដែលធ្វើឲ្យចំនីអាហារមានភាពស និងមានភាពស្រស់ បានយូរមិនឆាប់ជាំខ្មៅ បាត់សោភ័ណ្ឌភាព។លោកបន្តថា៖សាខាកាំកុងត្រូលក៏បានធ្វើតេស្តជាបឋមទៅលើផលិតផលស្ករត្នោតនៅតាមតូបចែកចាយនីមួយៗនៅផ្សារប៉ាហ៊ី ដែលជាលទ្ធផលរកឃើញថាមិនមានសារធាតុសូដ្យូមអ៊ីដ្រូសុលហ្វីតទេ លោកបន្តទៀតថា៖សារធាតុគីមីនេះអាចបង្កគ្រោះថ្នាក់ដល់សុខភាពដល់បងប្អូនប្រជាពលរដ្ឋហើយអាចបណ្តាលឲ្យពិបាកដកដង្ហើម សម្ពាធឈាមចុះទាប វិលមុខ ឈឺពោះ ក្អួតចង្អោរ និង រាគរូស សម្រាប់អ្នកទាស់ចំណីអាហារធ្ងន់ធ្ងរ ឬ អ្នកជម្ងឺដែលមានរោគហឺត វាអាចបណ្តាលឲ្យរន្ធត់ញាប់ញ័រ ភ្លឹកបាត់ស្មារតី និងអាចស្លាប់បានផងដែរ។
លោកប៊ុន សាម៉េត អនុប្រធានក៏បានធ្វើការណែនាំដល់អ្នកលក់ និងអ្នកទិញត្រូវដឹងពីអត្តសញ្ញាណ ប្រភព អាស័យដ្ឋាន របស់អ្នកដែលយកមកលក់អោយខ្លួន ឬវិក្កយប័ត្រទូទាត់អោយបានត្រឹមត្រូវជាពត៌មាន ដើម្បីបង្កលក្ខណៈងាយស្រួលដល់សមត្ថកិច្ចកាំកុងត្រូល ចុះស្រាវជ្រាវ និងតាមដាន ដើម្បីមានវិធានការទៅតាមច្បាប់ចំពោះអ្នកលក់ ឬអ្នកចែកចាយផលិតផលដែលមានសារធាតុនេះ ។
ឆ្លៀតក្នុងឱកាសនោះដែរសាខាកាំកុងត្រូលខេត្តប៉ៃលិនក៏បានត្រូតពិនិត្យមើលទំនិញដែលខូចគុណភាព និង ហួសសុពលភាព ដែលបានដកហូតបាន ចាហ៊ួយដូង១៦០កញ្ជប់ កំទេចមី៩០០កញ្ចប់ មីកញ្ចប់១២កញ្ចប់ ទឹកក្រូចកំប៉ុង១២កំប៉ុង តែអូអិលឈីស០៥ដប និងទឹកក្រូចដប១២ដប ហើយទំនិញទាំងនោះយកទៅរក្សាទុកនៅសាខាកាំកុងត្រូលខេត្តប៉ៃលិនដើម្បីធ្វើការកំទេចចោលទៅតាមនិតិវិធីច្បាប់ផងដែរ។
vv
[youtube id= “iNHmatYKSwY”]
