រសៀលថ្ងៃសុក្រ ៩រោច ខែផល្គុន ឆ្នាំច សំរិទ្ធស័ក ព.ស២៥៦២ ត្រូវនឹងថ្ងៃទី២៩ ខែមិនា ឆ្នាំ២០១៩ ឯកឧត្តម ផាន់ ចាន់ធុល អភិបាលនៃគណអភិបាលខេត្តប៉ៃលិន ឯកឧត្តម លោកជំទាវ អភិបាលរងខេត្ត លោកប្រធាន អនុប្រធានមន្ទីរ មន្រ្តីរាជការ យុវជនសហភាពសហព័ន្ធយុវជនកម្ពុជាខេត្តប៉ៃលិន បានអញ្ជើញរៀបចំពិធីសែនក្រុងពាលីសុំម្ចាស់ទឹកម្ចាស់ដីក រៀបចំសង្រ្កានប៉ៃលិន ដើម្បីអបអរសាទរបុណ្យចូលឆ្នាំថ្មីប្រពៃណីជាតិខ្មែរ ឆ្នាំកុរ ឯកស័ក ព.ស២៥៦៣ ដែលនឹងឈនមកដល់នាថ្ងៃទី១៤ , ១៥, ១៦, ខែមេសា ឆ្នាំ២០១៩ ខាងមុខនេះ។
សូមបញ្ជាក់ថា៖ នេះជាលើកទី១ហើយ ដែលរដ្ឋបាលខេត្តប៉ៃលិន សហការជាមួយសហភាព សហព័ន្ធយុវជនខេត្តប៉ៃលិន រៀបចំសង្រ្កានឆ្នាំថ្មី លើទឹកដីខេត្តប៉ៃលិន ដើម្បីអបអរសាទរបុណ្យចូលឆ្នាំថ្មីប្រពៃណីជាតិខ្មែរ ហើយឯកឧត្តម អភិបាលខេត្ត ក៏បានសមណូមពរសូមអោយបងប្អូនប្រជាពលរដ្ឋ ភ្ញៀវទេសចរជាតិ និងអន្តរជាតិ ចូលរួមទស្សនាការដាក់តាំងបង្ហាញផលិតផលក្នុងខេត្តប៉ៃលិន និងការលេងកំសាន្ត នូវល្បែងប្រជាប្រិយខ្មែរ មាន៖ បោះអង្គុញ ចោលឈូង ទាញព្រ័ត្រ ទាត់សី លាក់កន្សែង ស្តេចចង់ ព្រមទាំងចូលរួមរាំលេងកំលែងកំសាន្តជាមួយការប្រជុំដន្រ្តីសម័យ រាំវង់ រាំក្បាច់ សារវ៉ាន់ ឡាំលាវ ដែលជាចង្វាក់រាំរបស់ខ្មែរយើង ដែលបានធ្វើឡើងរយៈពេល៣ថ្ងៃ, នៅមាត់ស្ទឹងប៉ៃលិន ឬស្ទឹងតារាប ក្នុងសង្កាត់ទួលល្វា ក្រុងប៉ៃលិន ខេត្តប៉ៃលិន៕ ដោយ៖ វួច ពឿន
