(29-08-2015) ខេត្តប៉ៃលិន៖ ថ្ងៃទី២៩ ខែសីហា ឆ្នាំ២០១៥ ក្រុមការងារគណបក្សប្រជាជនកម្ពុជាចុះជួយឃុំស្ទឹងត្រង់ ស្រុកសាលាក្រៅ ដឹកនាំដោយ លោក សំ សារ៉េត ប្រធានគណកម្មាធិការគណបក្សស្រុកសាលាក្រៅ និងជាអនុប្រធានក្រុមការងារគណបក្សប្រជាជនកម្ពុជាចុះជួយឃុំស្ទឹងត្រង់ បានជួបសំណេះសំណាលជាមួយលោកមេភូមិ និងប្រជាពលរដ្ឋចំនួន៧០នាក់រស់នៅក្នុងភូមិទួលខ្ពស់ ឃុំស្ទឹងត្រង់ ស្រុក សាលាក្រៅ ខេត្តប៉ៃលិន។
កិច្ចប្រជុំប្រព្រឹត្តទៅរយៈពេលពេញមួយព្រឹក ដោយមានមន្រ្តីជំនាញជុំវិញសាលាស្រុកបានចូលរួមផ្សព្វផ្សាយពីច្បាប់ និងព័ត៌មានមួយចំនួនទាក់ទងទៅនឹងការរស់នៅរបស់ប្រជាពលរដ្ឋ ហើយក៏ទទួលយកនូវព័ត៌មាន និងការកង្វល់របស់ប្រជាពលរដ្ឋ ដើម្បីអោយថ្នាក់ដឹកនាំមន្ត្រីរាជការស្រុកជួយដោះស្រាយ ផងដែរ។
មានប្រសាសន៍បូកសរុបកិច្ចប្រជុំលោក សំ សារ៉េត បានទទួលយកនូវសំណើររបស់ប្រជាពលរដ្ឋលើបញ្ហាមួយចំនួនដែលប្រជាពលរដ្ឋបានលើកឡើងដូចជាបញ្ហាខ្ទាតដុំថ្មពីការបំផ្ទុះថ្មភ្នំស្ពុង មកធ្លាក់នៅក្បែរៗខ្លួនបង្កការភ័យខ្លាចលើសុវត្ថភាពផ្ទាល់ខ្លួន បញ្ហាគីឡូភ្លើងនៅមានការឡើងខ្ពស់ខុសពីធម្មតា ការស្នើសុំអណ្តូងស្នប់ប្រើប្រាស់ក្នុងភូមិជាដើម។ លោកសំ សារ៉េត ក៏បានសំណូមពរដល់បងប្អូនប្រជាពលរដ្ឋត្រូវយកចិត្តទុកដាក់ធ្វើសៀវភៅគ្រួសារ សៀវភៅស្នាក់នៅ សំបុត្រកំណើត និងអត្តសញ្ញាណប័ណ្ណអោយបានគ្រប់ៗគ្នា ព្រោះថា អត្តសញ្ញាណប័ណ្ណ សំបុត្រកំណើត មានសារៈសំខាន់ណាស់សំរាប់មនុស្សគ្រប់ៗរូប សំរាប់រកការងារធ្វើ ការធ្វើដំណើរ និងការងារផ្លូវការជាច្រើទៀត។ លោកបានបន្តថា ប្រជាពលរដ្ឋគ្រប់រូប ពិសេសស្ត្រីត្រូវយកចិត្តទុកដាក់ លើការពិនិត្យផ្ទៃពោះ ការសំរាលកូន ត្រូវទៅរកគ្រូពេទ្យជំនាញនៅមណ្ឌលសុខភាព និងត្រូវយកចិត្តទុកដាក់លើការផ្តល់អាហាររូបត្ថមដល់កុមារផងដែរ ព្រោះពួកគេជាទំពាំងស្នងឬស្សីដែលត្រូបន្តវេណពីមនុស្សចាស់នៅថ្ងៃអនាគត់៕
[youtube id= “opm_LG_-vbY”]
