(24-08-2015) ប៉ៃលិន៖ ថ្ងៃទី២៤ ខែសីហា ឆ្នាំ២០១៥ ក្រុមការងារចុះជួយសង្កាត់ទួលល្វាប្រជុំបែងចែកសៀវភៅចុះឈ្មោះសមាជិកបក្ស ជូនដល់ក្រុមការងារចុះជួយភូមិនានាក្នុងសង្កាត់ទួលល្វា ក្រុងប៉ៃលិន ខេត្តប៉ៃលិន។
លោកឌិនគឹមប្រធានក្រុមការងារចុះជួយសង្កាត់ទួលល្វា បានមានប្រសាសន៍ថាៈការបែងចែកសៀវភៅស្រង់សិតិនិងចុះឈ្មោះសមាជិកបក្សនៅតាមភូមិនានាក្នុងសង្កាត់ទួលល្វាមានសារៈសំខាន់ណាស់ដើម្បីក្តាប់កម្លាំងសមាជិកគណបក្សឲ្យបានច្បាស់លាស់ ជាពិសេសត្រូវពង្រឹងកម្លាំងយុវជននិងត្រូវគ្រប់គ្រងពួកគេជាក្រុមដើម្បីជាកម្លាំងគាំទ្រគណបក្សប្រជាជនកម្ពុជាក្នុងការបោះឆ្នោតខាងមុខឲ្យទទួលបានជ័យជំនេះ។លោកបានផ្តាំផ្ញើដល់ក្រុមការងារគណបក្សប្រជាជនទាំងអស់ ត្រូវគោរពស្រឡាញ់ប្រជាជន ជួយ ប្រជាពលរដ្ឋជួបការលំបាកខ្វះខាតក្នុងជីវភាពរស់នៅ ជាពិសេសត្រូវពង្រឹងសាមគ្គីភាពឯកភាពគ្នាឲ្យបានល្អ ព្រោះថាកត្តាសាមគ្គីនេះវាមានសារៈណាស់ដែលធ្វើឲ្យគណបក្សប្រជាជនទទួលបាននូវជ័យជំនះគ្រប់កាលៈទេសៈកន្លងមក។ទន្ទឹមនេះក្រុមការងារត្រូវផ្សព្វផ្សាយនិងជួយសំរួលដល់បងប្អូនប្រជាពលរដ្ឋឲ្យពួកគាត់ធ្វើអត្តសញ្ញាណប័ណ្ណសញ្ជាតិខ្មែរឲ្យបានគ្រប់ៗគ្នា ព្រោះថានៅពេលបោះឆ្នោតខាងមុខយកអត្តសញ្ញាណប័ណ្ណសំរាប់សំគាល់ខ្លួនក្នុងការបោះឆ្នោត បើគ្មានអត្តសញ្ញាណប័ណ្ណទេគ្មានសិទ្ធបោះឆ្នោតទេ។
[youtube id= “LKqebAegbyw”]
