(24-03-2017) ប៉ៃលិន៖ ព្រឹកថ្ងៃទី២៤ ខែមីនា ឆ្នាំ២០១៧ ឯកឧត្តមនាយឧត្តមសេនីយ៍ អ៊ី ឈាន រដ្ឋលេខាធិការក្រសួងការពារជាតិ និងជាប្រធានក្រុមការងារថ្នាក់ជាតិចុះមូលដ្ឋាន ខេត្តប៉ៃលិន និងក្រុមការងារជាច្រើននាក់ បានអញ្ជើញចុះជួបសាកសួរសុខទុក្ខ និងនាំយកគ្រឿងឧបភោគបរិភោគទៅឧបត្ថម្ភប្រជាពលរដ្ឋដែលមានបញ្ហាសុខភាពកំពុងសម្រាកព្យាបាលសុខភាពនៅមន្ទីរពេទ្យបង្អែកខេត្តប៉ៃលិន។
ឯកឧត្តមនាយឧត្តមសេនីយ៍ អ៊ី ឈាន បានមានប្រសាសន៍ផ្តាំផ្ញើរសាកសួរសុខទុក្ខពីសំណាក់សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ជូនចំពោះបងប្អូនដែលកំពុងសម្រាកព្យាបាលនៅក្នុងមន្ទីរពេទ្យទាំងអស់ ដោយសម្តេចទាំងពីរតែងតែគិតគូរអំពីសុខទុក្ខ និងការរស់នៅរបស់បងប្អូនយើងគ្រប់ពេលវេលា។ ឯកឧត្តមបានបន្តថា បច្ចុប្បន្ននេះ បងប្អូននយើងតែងតែជួបនូវជម្ងឺគ្រប់ប្រភេទ ដូច្នេះបងប្អូនត្រូវរស់នៅឲ្យមានអនាម័យល្អ ដោយហូបស្អាត ទើបសុខភាពយើងជៀសបាននូវជម្ងឺដំកាត់ផ្សេងៗ។ ឯកឧត្តមបានផ្តាំផ្ញើបងប្អូនទាំងអស់ត្រូវចេះថែទាំសុខភាព ខិតខំពិសារថ្នាំទៅតាមគ្រូពេទ្យឲ្យបានទៀងទាត់ ទើបយើងបានជាសះស្បើយពីជម្ងឺដើម្បីទៅប្រកបកិច្ចការងារចិញ្ជឹមជីវិត និងគ្រួសារ។ ក្នុងឱកាសជួបសួរសុខទុក្ខនោះដែរ ឯកឧត្តមបានកោតសរសើរនិងវៃតម្លៃខ្ពស់ចំពោះមន្ត្រីរាជការ និងបុគ្គលិកពេទ្យទាំងអស់ដែលបានខិតខំយកចិត្តទុកដាក់បំពេញភារកិច្ចរបស់ខ្លួនកន្លងមកបានល្អធ្វើឲ្យរចនាសម្ព័ន្ធពេទ្យបានរីកចំរើនពីមួយថ្ងៃទៅមួយថ្ងៃ ជាពិសេសបានសហការគ្នា សមគ្គីភាព ឯកភាពគ្នា ក្នុងការព្យាបាលជម្ងឺជូនប្រជាពលរដ្ឋក្នុងខេត្តបានល្អគ្រប់ពេលវេលា។ឯកឧត្តមបានផ្តល់អនុសាសដល់ថ្នាក់ដឹកនាំមន្រ្តីរាជការនៃមន្ទីរសុខាភិបាលទាំងអស់ត្រូវបន្តខិតខំបំពេញភារកិច្ចបំរើប្រជាជនព្យាបាលជម្ងឺជូនពួកគាត់ឲ្យមានក្រមសីលធម៌ល្អ ព្រមជាមួយនេះត្រូវរៀបចំសណ្តាប់ធ្នាប់ អនាម័យ នៅតាមសាលនិមួយៗឲ្យបានស្អាត និងមានរបៀបរៀបរយល្អ៕
vv
[youtube id= “”]
