(25-01-2017) ប៉ៃលិន៖ ព្រឹកថ្ងៃទី២៥ ខែមករា ឆ្នាំ២០១៧ នៅមន្ទីរសេដ្ឋកិច្ចនិងហិញ្ញវត្ថុខេត្តប៉ៃលិនមានប្រជុំផ្សព្វផ្សាយចរាចណ៏ណែនាំស្តីពីការអនុវត្តច្បាប់ហិរញ្ញវត្ថុសម្រាប់ការគ្រប់គ្រងឆ្នាំ២០១៧ដល់រដ្ឋបាលថ្នាក់ក្រោមជាតិដែលកិច្ចប្រជុំនេះស្ថិត ក្រោមអធិបតីភាពឯកឧត្តម អៀង វុធ អភិបាលរងខេត្តប៉ៃលិននិងមានការអញ្ជើញចូលរួមពីសំណាក់លោកលោកស្រីអភិបាលរងក្រុង ស្រុក លោកមេឃុំ ចៅសង្កាត់និងស្មៀនឃុំសង្កាត់ផងដែរ។
បន្ទាប់ពីលោក ណុប ពឿន ប្រធានការិយាល័យថ្នាក់ក្រោមជាតិនៃមន្ទីរសេដ្ឋកិច្ច និងហិរញ្ញវត្ថុបានធ្វើបទបង្ហាញសារាចរណែនាំស្តីពីការអនុវត្តច្បាប់ហិរញ្ញវត្ថុសម្រាប់ការគ្រប់គ្រងឆ្នាំ២០១៧រួមមក អង្គប្រជុំក៏បានពិភាក្សានិងលើកឡើងពីបញ្ហាទាក់ទងពីការអនុវត្តច្បាប់ហិរញ្ញវត្ថុ និងពិភាក្សាផ្លាស់ប្តូ យោបល់ដើម្បីដោះ ស្រាយរាល់បញ្ហានានា ក្នុងន័យអោយថ្នាក់ដឹកនាំក្រុង ស្រុក ឃុំសង្កាត់បានយល់ជ្រាប់កាន់តែច្បាស់ ពីច្បាប់គ្រប់គ្រងហិរញ្ញវត្ថុថ្នាក់ក្រោមជាតិ ហើយធ្វើការអនុវត្តច្បាប់នេះអោយទទួលបានជោគជ័យនិងមានប្រសិទ្ធិភាព។
ឯកឧត្តម អៀងវុធអភិបាលរងខេត្តប៉ៃលិនបានមានប្រសាសន៏កោតសសើរដល់មន្ទីរ សេដ្ឋកិច្ចនិងហិរញ្ញវត្ថុដែលតែងតែរៀបចំកិច្ចប្រជុំស្តីពីការអនុវត្តច្បាប់ហិរញ្ញវត្ថុសម្រាប់ការគ្រប់គ្រងឆ្នាំ២០១៧ដល់រដ្ឋបាលថ្នាក់ក្រុងស្រុក ឃុំ សង្កាត់ នេះឡើងក្នុងគោលបំណង អោយមន្ត្រីថ្នាក់ក្រុង ស្រុក ឃុំសង្កាត់បានយល់កាន់តែច្បាស់នូវនិតិវិធីការគ្រប់គ្រងហិរញ្ញវត្ថុថ្នាក់ក្រោមជាតិ ស្របតាមគោលនយោបាយរបស់រាជរដ្ឋាភិបាលគឺបំរើសេវាជូនប្រជាពលរដ្ឋនិងលើកកំពស់ជីវភាពការរស់នៅរបស់ប្រជាជនអោយកាន់តែប្រសើរឡើងដោយឈរលើគោលនយោបាយសេដ្ឋកិច្ចទីផ្សាសេរីនិងសមធម៌សង្គម ។ដូច្នេះរដ្ឋបាលថ្នាក់ក្រុង ស្រុក ឃុំ សង្កាត់ទាំងអស់ត្រូវយកចិត្តទុកខិតខំប្រឹងប្រែងសិក្សារៀនសូត្រ ពីច្បាប់ពាក់ព័ន្ធហិរញ្ញវត្ថុ ជាពិសេសត្រូវលើកឡើងពីបញ្ហាប្រឈមដែលកើតឡើងកន្លងមកអោយបានផុលផុសដើម្បី អោយមន្ត្រីជំនាញនៃមន្ទីរសេដ្ឋកិច្ចនិងហិរញ្ញវត្ថុខេត្តធ្វើការដោះស្រាយនិង ងាយស្រួលចុះទៅអនុវត្តការងារជាក់ស្តែងអោយមានប្រសិទ្ធិភាពនៅក្នុង២០១៧នេះ។ទន្ទឹមនេះឯកឧត្តមក៏បានសំណូមពរដល់រដ្ឋបាលក្រុងស្រុកឃុំសង្កាត់ ទាំងអស់ត្រូវកាត់បន្ថយភាពអសកម្មការងារឆ្នាំ២០១៦ដែលអនុវត្តកន្លងមក ហើយក្នុងឆ្នាំ២០១៧នេះត្រូវតែពង្រឹងសមត្ថភាពនិងត្រូវដាក់ផែនការប្រជុំអោយបានរាងរាល់ខែជាប្រចាំនិងជាពិសេសត្រូវធ្វើផែនការការងារថវិកា និងផែនការសកម្មភាពការងាររបស់ខ្លួនទៅតាមតួនាទីភារៈអោយបានត្រឹមត្រូវនិងច្បាស់លាស់។ឯកឧត្តមសង្ឃឹមថាក្នុងឆ្នាំ២០១៧នេះរដ្ឋបាលថ្នាក់ក្រោមជាតិទាំងអស់ធ្វើការកែប្រែយុទ្ធសាស្រ្តការងារនិងសកម្មភាពផ្សេងៗទៀតអោយបានល្អ និងទទួលខុសត្រូវខ្ពស់។
vv
[youtube id= “zEkuhUGNcCg”]
