(26-12-2016) ប៉ៃលិន៖ រសៀលថ្ងៃទី ២៦ ខែធ្នូ ឆ្នាំ ២០១៦ សមាគមន៍គ្រឹស្ទបរិស័ទខេត្តប៉ៃលិន បានបើកការប្រកួតបាល់ទាត់មហាជន ពានរង្វាន់គ្រឹស្ទម៉ាស់ខាប់ ២០១៦ ដែលពិធីមានការអញ្ជើញចូលរួមពីលោកជំទាវ សោ មុន្នរ័ត្ន អភិបាលរងខេត្តប៉ៃលិន ព្រមទាំងលោកឧកញ៉ា សៀ សុភក្រ្តិ និងលោកអនុប្រធានមន្ទីរ អប់រំយុវជននិងកីឡាខេត្ត នាយករងរដ្ឋបាលសាលាខេត្ត និងអស់លោកលោកស្រី គ្រូបង្វឹកកីឡាករជាច្រើនអ្នកទៀតផងដែរ។
ការប្រកួតបាល់ទាត់មហាជន ពានរង្វាន់គ្រឹស្ទម៉ាស់ខាប់ ២០១៦ នេះជាលើកទី ៧ ហើយ សម្រាប់ខេត្តប៉ៃលិនយើង ហើយការប្រកួតកីឡានេះធ្វើឡើងក្នុងគោលបំណងគឺដើម្បីអបអរសាទរពិធីបុណ្យព្រះរាជកំណើតព្រះយេស៊ូនិងបុណ្យណូអែល និងដើម្បីចូលរួមអបអរសាទរទិវាជ័យជំនះ ៧មករា ម្យ៉ាងវិញទៀតក៏ដើម្បីឲ្យកីឡាករទាំងអស់ចូលរួមដើម្បីមិត្តភាព សាមគ្គីភាព សុខភាព និងជៀសអោយឆ្ងាយពីគ្រឿងញៀន និងល្បែងអបាយមុខផ្សេងៗផងដែរ។
លោកជំទាវ សោ មុន្នរ័ត្ន អភិបាលរងខេត្តប៉ៃលិន បានមានប្រសាសន៍ថា៖ ការប្រកួតកីឡានេះពិតជាមានសារះសំខាន់ណាស់សម្រាប់យុវជននិងសង្គម ដើម្បីលំហាត់ប្រាណផង មិត្តភាពផង និងជៀសចេញនូវល្បែងអបាយមុខមិនល្អ ហើយក៏សូមអរគុណដល់សមាគមន៍គ្រឹស្ទបរិស័ទខេត្តប៉ៃលិន និងជាពិសេសលោកឧកញ៉ា សៀ សុភក្រ្តិ ទីប្រឹក្សាក្រសួងធម្មការនិងសាសនា ដែលបានជួយឧបត្ថម្ភថវិកានិងកំលាំងកាយចិត្ត ហើយសង្ឃឹមថាក្មួយៗកីឡាករនឹងប្រឹងប្រែងដើម្បីជ័យជំនះក្រុមនីមួយៗដោយស្វាហាប់និងសាមគ្គីភាពរហូតចប់ការប្រកួត។
សូមបញ្ជាក់ផងដែរថាការប្រកួតបាល់ទាត់មហាជន ពានរង្វាន់គ្រឹស្ទម៉ាស់ខាប់ ២០១៦ នេះ គឺចាប់ផ្តើមពីថ្ងៃទី ២៦ ខែធ្នូទៅរហូតដល់ថ្ងៃទី៣១ ខែធ្នូ ឆ្នាំ២០១៦ នឹងត្រូវបញ្ជប់ជាស្ថាពរ ហើយមានក្រុមកីឡាករក្រុមចូលរួមជាច្រើនក្រុមដូចជា៖ ១.ក្រុម វិទ្យាល័យហ៊ុនសែន ត្រូវប៉ះគ្នាជាមួយក្រុម K.M.C Pailin ។២.ក្រុម ភាខកឃីង ត្រូវប៉ះគ្នាជាមួយក្រុមប្រតិបត្តិការសឹករងខេត្ត ។ ៣.ក្រុម ហេបភីហ្វាមើរ ត្រូវប៉ះគ្នាជាមួយក្រុមតោកំរៀង ។ ៤.ក្រុម សាម៉ារី ត្រូវប៉ះគ្នាជាមួយក្រុមយាយយ៉ាត ហើយក្រុមភ្នំកុយ F.C ផងដែរ។
vv
[youtube id= “6hvPDU0lXpw”]
