(01-09-2016) ប៉ៃលិន៖ ព្រឹកថ្ងៃទី១ ខែកញ្ញា ឆ្នាំ២០១៦ គឺជាថ្ងៃដំបូងនៃការចុះឈ្មោះបោះឆ្នោតជ្រើសរើសក្រុមប្រឹក្សាឃុំ សង្កាត់។ ការិយាល័យចុះឈ្មោះបោះឆ្នោត បានរៀបចំឡើងនៅតាមឃុំ សង្កាត់នីមួយៗនៅក្នុងខេត្តប៉ៃលិន ក៏ដូចជានៅទូទាំងប្រទេសកម្ពុជា សំរាប់ទទួលចុះឈ្មោះបោះឆ្នោតជូនបងប្អូនប្រជាពលរដ្ឋយើង។ នៅព្រឹកថ្ងៃទី១ នេះ គេសង្កេតឃើញមានបងប្អូនប្រជាពលរដ្ឋយើងបានអញ្ជើញមកចុះឈ្មោះបោះឆ្នោត ជាបន្តបន្ទាប់។ នៅក្នុងថ្ងៃទី១នេះដែរ ឯកឧត្តម កើត សុធា អភិបាលនៃគណអភិបាលខេត្តប៉ៃលិន និងលោកជំទាវ គង់ស្តី កើតសុធា ក៏បានអញ្ជើញទៅចុះឈ្មោះបោះឆ្នោតនៅការិយាល័យចុះឈ្មោះបោះឆ្នោតក្នុងសង្កាត់ទួលល្វា ក្រុងប៉ៃលិន ។
ឯកឧត្តម កើត សុធា អភិបាលនៃគណអភិបាលខេត្តប៉ៃលិនបានមានប្រសាសន៍ណែនាំសូមអោយបងប្អូនប្រជាពលរដ្ឋទាំងអស់ត្រូវមកចុះឈ្មោះបោះឆ្នោតអោយបានគ្រប់ៗគ្នា ដែលការចុះឈ្មោះបោះឆ្នោតនេះ ប្រព្រឹត្តទៅចាប់ពីថ្ងៃទី១ ខែកញ្ញានេះ រហូតដល់ថ្ងៃទី២៩ ខែវិច្ឆិកា ឆ្នាំ២០១៦។ (ឃ្លីប)
តាមផែនការនៃការចុះឈ្មោះបោះឆ្នោតនេះ ក្នុងមួយការិយាល័យចុះឈ្មោះបោះឆ្នោត ត្រូវចុះឈ្មោះប្រជាពលរដ្ឋអោយបានយ៉ាងតិច ៦០នាក់ ក្នុងមួយថ្ងៃ។
vv
[youtube id= “IKuYCx34GME”]
