(22-05-2016) ប៉ៃលិន៖ ដោយមើលឃើញពីតម្រូវការទឹកពិសារនៅក្នុងតំបន់មួយចំនួននៃភូមិក្រចាប់ សង្កាត់អូតាវ៉ៅ ក្រុងប៉ៃលិន ខេត្តប៉ៃលិន ឯកឧត្តម វែង សុធី អនុរដ្ឋលេខាធិការក្រសួងពាណិជ្ជកម្ម តំណាងឯកឧត្តមប៉ាន សូរស័ក ប្រធានក្រុមការងារថ្នាក់ជាតិចុះមូលដ្ឋានខេត្តប៉ៃលិន រួមដំណើរដោយ លោកជំទាវ ជា លាភ អភិបាលរងខេត្តប៉ៃលិន លោកជំទាវ តោ ទីឡា ទីប្រឹក្សាសម្តេចក្រឡាហោម ស ខេង លោកស្រី សាន់ សាវឿនស្នងការរងនគរបាលខេត្ត លោកស្រី សាតណាក់ អភិបាលរងក្រុងប៉ៃលិន លោកស្រី សុខ សារី លោកស្រី ប៊ុន គឹម ហេង និងមន្រ្តីរាជការមួយចំនួនទៀត បាននាំយកទឹកសុទ្ធចំនួន៣៥០ យួរ ទៅចែកជូនដល់ប្រជាពលរដ្ឋនៅភូមិក្រចាប់ និងភូមិនានាមួយចំនួនទៀត សរុបចំនួន១២០គ្រួសារ និងបានបន្តនាំយកទឹកសុទ្ធ និងថវិកាទៅជួយដល់យុវជនម្នាក់ដែលកំពុងឈឺធ្ងន់ ក្នុងភូមិក្រចាប់ និងគ្រួសារសពមួយគ្រួសារនៅភូមិភ្នំជ្រូក ក្នុងសង្កាត់អូរតាវ៉ៅ ក្រុងប៉ៃលិន ។
ឯកឧត្តម វែង សុធី អនុរដ្ឋលេខាធិការក្រសួងពាណិជ្ជកម្ម ក៏ដូចជា លោកជំទាវ ជា លាភ អភិបាលរងខេត្តប៉ៃលិនបានមានប្រសាសន៍ពាំនាំការសាកសួរសុខទុក្ខ ពីសំណាក់ឯកឧត្តមប៉ាន សូរស័ក ប្រធានក្រុមការងារថ្នាក់ជាតិចុះមូលដ្ឋានខេត្តប៉ៃលិន និងឯកឧត្តម កើត សុធា អភិបាលនៃគណអភិបាលខេត្តប៉ៃលិនចំពោះបងប្អូនប្រជាពលរដ្ឋយើងទាំងអស់។ ឯកឧត្តម និងលោកជំទាវ បានមានប្រសាសន៍ថា ដោយមើលឃើញពីតម្រូវការទឹកសំរាប់ពិសារ នៅក្នុងតំបន់មួយចំនួនក្នុងភូមិក្រចាប់ និងភូមិនានាមួយចំនួនទៀត ក្នុងសង្កាត់អូរតាវ៉ៅ អាជ្ញាធរខេត្ត ត្រូវបន្តនាំយកទឹកពិសារទៅបន្តចែកជូនដល់ប្រជាពលរដ្ឋអោយបានប្រើប្រាស់ មិនទុកអោយប្រជាពលរដ្ឋយើងមានការលំបាកវេទនាខ្វះទឹកពិសារ ដោយមិនមានការជួយឧបត្ថម្ភពីអាជ្ញារធរឡើយ។ ឯកឧត្តមបានមានប្រសាសន៍បន្តថា រាជរដ្ឋាភិបាលកម្ពុជា ក្រោមការដឹកនាំរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា តែងមានការគិតគូពីសុខទុក្ខ និងជីវភាពរបស់បងប្អូនប្រជាពលរដ្ឋ និងរស់នៅជាមួយប្រជាពលរដ្ឋ និងជួយដល់ការលំបាក ការខ្វះខាតរបស់ប្រជាពលរដ្ឋជានិច្ច។ ឯកឧត្តម និងលោកជំទាវ បានមានប្រសាសន៍បន្តថា បច្ចុប្បន្ននេះមានជនមួយក្រុមបានដើរតាមភូមិដ្ឋានប្រជាពលរដ្ឋ អូសទាញ សុំអោយប្រជាពលរដ្ឋផ្តឹតមេដៃ ក្រោមហេតុ ផលផ្សេងៗ។ ដូច្នេះសូមបងប្អូនប្រជាពលរដ្ឋកុំផ្តិតមេដៃអោយពួកគេអោយសោះ ត្រូវសួរនាំលោកមេភូមិ ឬចៅសង្កាត់អោយបានច្បាស់លាស់។
តមកក្រុមការងារក៏បានបន្តនាំយកទឹកសុទ្ធ និងថវិកាទៅជួយឧបត្ថម្ភដល់គ្រួសារអ្នកជំងឺមួយគ្រួសារនៅភូមិក្រចាប់ និង បន្តនាំយកទឹកសុទ្ធ៥០យួរ និងថវិកា៥០ម៉ឺនរៀលទៅឧបត្ថម្ភដល់គ្រួសារសពមួយគ្រួសារនៅភូមិ ភ្នំជ្រូក សង្កាត់អូតាវ៉ៅ ក្រុងប៉ៃលិន ខេត្តប៉ៃលិន៕
vv
[youtube id= “UVbcvnMot0I”]
