(11-05-2016) ប៉ៃលិន៖ នៅសាលាខេត្តប៉ៃលិនកាលពីថ្ងៃទី១១ ខែឧសភា ឆ្នាំ២០១៦កន្លងទៅនេះ ឯកឧត្តម កើត សុធា អភិបាលនៃគណៈអភិបាលខេត្តប៉ៃលិនបានអនុញ្ញាតិអោយលោក Andrew yang តំណាងអោយក្រុមហ៊ុន Gold draonសាធារណៈរដ្ឋកូរ៉េ ជួបពិភាក្សាការងារ និងស្វែងយល់ពីភូមិសាស្រ្ត និងការអភិវឌ្ឍន៏របស់ខេត្តប៉ៃលិន។
លោក Andrew yang តំណាងអោយក្រុមហ៊ុន Gold draon បានមានប្រសាសន៏ថា៖គោលបំណងរបស់គណៈប្រតិភូក្រុមហ៊ុន Gold draon មកខេត្តប៉ៃលិននាពេលនេះគឺដើម្បីសិក្សាស្វែងយល់ពីភូមិសាស្រ្តនិងការអភិឌ្ឍន៏របស់ខេត្តប៉ៃលិនជាពិសេសដើម្បីផ្សព្វផ្សាយគំរោងរបស់ក្រុមហ៊ុន Gold draon អោយថ្នាក់ដឹកនាំខេត្តយល់ដឹងអោយកាន់ច្បាស់ពីបណ្តាល័យ Digital និងc amera សុវត្ថិភាព ។លោកបន្តថា៖បណ្តាល័យ Digital និងcamera សុវត្ថិភាព គឺមានសារៈសំខាន់ណាស់ចំពោះខេត្តប៉ៃលិនសំរាប់តាមដានសកម្មភាព ផ្សេងៗដែលកើតមានឡើង ហើយវាមានរូបភាពច្បាស់ល្អ ជាពិសេសក៏អាចសិក្សាស្រាវជ្រាវតាមប្រព័ន្ធនេះ ដែលជាការពង្រីកធនធានមនុស្សសំរាប់អភិវឌ្ឍន៏ខេត្តប៉ៃលិនអោយមានការីកចំរើនតទៅថ្ងៃអនាគត់។
ឯកឧត្តម កើត សុធា អភិបាលខេត្តប៉ៃលិនបានមានប្រសាសន៏កោតសសើរដល់ក្រុមហ៊ុន Gold draonដែលបានធ្វើការណែនាំពីបច្ចេកទេស គុណសម្បត្តិរបស់បណ្តាល័យ Digital និងc amera សុវត្តិភាព អោយថ្នាក់ដឹកនាំខេត្តប៉ៃលិនយល់ជ្រាប់កាន់តែច្បាស់ពីសារៈសំខាន់នៃបច្ចេកវិជ្ជាថ្មីៗរបស់ក្រុមហ៊ុន ដែលបញ្ហានេះ ថ្នាក់ដឹកនាំនិងមន្ត្រីជំនាញក្នុងខេត្តមានការចាប់អារម្មណ៍និងធ្វើកិច្ចសហការជាមួយក្រុមហ៊ុនដើម្បីសិក្សាស្វែងយល់ពីបច្ចេកវិជ្ជាថ្មីនេះយកប្រើប្រាស់ជាប្រយោជន៍ក្នុងការអភិវឌ្ឍន៍អោយមានរីកចំរើនឡើង ។ឯកឧត្តម កើត សុធា ក៏បានជំរាបជូនតំណាងក្រុមហ៊ុន Gold draon ពីភូមិសាស្ត្រ និងស្ថានភាពជីវភាពរស់នៅរបស់ប្រជាពលរដ្ឋនៅខេត្តប៉ៃលិន ដែលជាខេត្តមួយមានព្រំប្រទល់ជាប់ប្រទេសថៃ ប្រជាពលរដ្ឋភាគច្រើនប្រកបមុខរបរកសិកម្ម ធ្វើអោយធនធានមនុស្សផ្នែកបច្ចេកវិជ្ជានៅមានកំរិត។ ដូច្នេះសុំអោយក្រុមហ៊ុន Gold draon ជួយបណ្តុះបណ្តលធនធានមនុស្សដល់ប្រជាពលរដ្ឋខេត្តប៉ៃលិនដើម្បីងាយស្រួលធ្វើការបង្កើតបណ្តាល័យDigital នៅខេត្តប៉ៃលិន ។
vv
[youtube id= “H6COS2-tBk0”]
