(29-04-2016) ប៉ៃលិន៖ នៅថ្ងៃទី២៩មេសាឆ្នាំ២០១៦ លោក ជំទាវ ជាលាប អភិបាលរងខេត្ត ប៉ៃលិន និងលោកឧត្តមសេនីយ៍ទោឈាង អ៊ិត មេបញ្ជាការរងយោធភូមិភាគទី៥ ប្រចាំទិសទី៣ប៉ៃលិនសំឡូតបានដឹកនាំមន្រ្តីរាជការ កងកម្លាំងប្រដាប់អាវុធ ដឹកជញ្ជូនទឹកស្អាត ចំនួន ១៦.០០០ និង ទឹកបរិសុទ្ឋមូយចំនួនទៀត ទៅចែកជូនប្រជាពលរដ្ឋនៅភូមិអណ្តូងថ្ម និងភូមិអណ្តូង៤ ឃុំស្ទឹងកាច់ ស្រុកសាលាក្រៅ ចំនួន ១៨៥ គ្រួសារ ដែលកំពុងប្រឈបបញ្ហា គ្រោះរាំងស្ងួតបណ្តាលឲ្យបងប្អូនខ្វះខាតទឹកប្រើប្រាស់យ៉ាងខ្លាំង។
លោក ជំទាវ ជាលាប អភិបាលរងខេត្ត ប៉ៃលិន និងលោកឧត្តមសេនីយ៍ទោ ឈាង អ៊ិត មេបញ្ជាការរងយោធភូមិភាគទី៥ ប្រចាំទិសទី៣ប៉ៃលិនសំឡូត មានប្រសាសន៏ថា គ្រោះរាំងស្ងួតនេះ កើតឡើងនៅគ្រប់ខេត្តទូទាំងប្រទេស។ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា បានដាក់ចេញនូវយុទ្ឋនាការ ដោះស្រាយទឹកជូនប្រជាពលរដ្ឋបានទាន់ពេលវេលា ដោយឲ្យអាជ្ញាធរមូលដ្ឋានគ្រប់ជាន់ថ្នាក់កងកម្លាំងប្រដាប់អាវុធមន្រ្តីរាជការទាំងអស់ ត្រូវចុះជួយដោះស្រាយទឹកជូនប្រជាពលរដ្ឋនៅតាមមូលដ្ឋាន ឲ្យបានទឹកប្រើប្រាស់គ្រប់ៗគ្នា។
ជាក់ស្ដែងពេលនេះ គឺយើងបានប្រើប្រាស់រថយន្តកងដឹកជញ្ជូនកងពលតូចលេខ៩៩ ទឹកចំនួន១៦.០០០លីត្រ ជាទឹកស្អាតយកមកចែកជូនដល់បងប្អូន ដោយមិនទុកឲ្យគ្រួសារប្រជាពលរដ្ឋយើងណាមួយខ្វះទឹកប្រើប្រាស់ឡើយ ហើយការចែកជូនទឹកនេះ មិនមែនធ្វើតែពេលនេះនោះទេ គឺចែកជូនបងប្អូនរហូត ទាល់ដល់មានភ្លៀង មានទឹកដក់តាមស្រះ តាមអណ្ដូងឡើងវិញ។ ក៏ប៉ុន្តែ ទន្ទឹមនឹងបងប្អូន បានទឹកប្រើប្រាស់ហើយ សូមបងប្អូនត្រូវយកចិត្តទុកដាក់ ថែរក្សារសុខភាពឲ្យបានល្អ ដោយទទួលទានចំណីអាហារមាន អនាម័យហើយត្រូវជួយអប់រំកូនចៅ កុំរត់លេងក្រោមកំដៅថ្ងៃ ហើយទទួលទានចំណី អាហារគ្មានអនាម័យ វាអាចកើតទៅជាជម្ងឺរាគរួស ប៉ះពាលសុខភាព។ តែបើមានបញ្ហាសុខភាព សូមបងប្អូនប្រញាប់ទៅមណ្ឌលសុខភាពជាបន្ទាន់។
បងប្អូនប្រជាពលរដ្ឋ ដែលទទួលបានទឹកប្រើប្រាស់ បានសម្ដែងសេចក្ដីរីករាយ និងការដឹងគុណយ៉ាងខ្លាំងចំពោះអាជ្ញាធរខេត្ត ពិសេសសម្ដេចតេជោ ហ៊ុន សែន ប្រមុខរាជរដ្ឋាភិបាលកម្ពុជា ដែលបានគិតគូរដោះស្រាយទឹកជូនប្រជាពលរដ្ឋជួបការខ្វះខាតទឹកបានទាន់ពេល ( ឃ្លីប)។
vv
[youtube id= “GVjJxfaKfiE”]
