(23-04-2016) ប៉ៃលិន៖ ព្រឹកថ្ងៃទី ២៣ ខែមេសា ឆ្នាំ២០១៦ លោក ឌិន គឹម ប្រធានក្រុមការងារគណបក្សប្រជាជនកម្ពុជាចុះជួយសង្កាត់ទួលល្វាបានជួបប្រជុំជាមួយសមាជិកក្រុមការងារនិងបក្សសង្កាត់ស្តីពីការពង្រឹងការងារគណបក្សប្រជាជនកម្ពុជា សង្កាត់ទួលល្វា ។
បន្ទាប់ពីបានស្តាប់នូវគោលការណែនាំរបស់បក្សថ្នាក់កណ្តាលរួចមក លោក ឌិន គឹម បានមានប្រសាសន៍ថា៖ ការងារចំពោះមុខនាពេលបច្ចុប្បន្ននេះគឺត្រូវត្រួតពិនិត្យពីលទ្ធផលការងារបក្សសង្កាត់ចុះជួយប្រជាពលរដ្ឋនៅមូលដ្ឋានតើបញ្ហាអ្វីខ្លះបានដោះស្រាយហើយ និងបញ្ហានៅសេសសល់ជាតម្រូវការចាំបាច់របស់ប្រជាពលរដ្ឋ ដែលត្រូវដោះស្រាយបន្តទៀត ។ដូច្នេះសុំអោយសមាជិកក្រុមការងារចុះជួយតាមភូមិត្រូវក្តាប់សំណូពរបស់បងប្អូនប្រជាពលរដ្ឋអោយបានគ្រប់ពេលវេលា ជៀសវាងកុំអោយមានបញ្ហាអ្វីកើតឡើងដែលយើងមិនបានដឹង និងមិនបានដោះស្រាយជូនពួកគាត់។ទន្ទឹមនឹងនេះក្រុមការងារបក្សចុះជួយភូមិនិមួយៗត្រូវជួយបក្សភូមិធ្វើបច្ចុប្បន្នភាពសមាជិកបក្សដើម្បីពង្រឹងកម្លាំងក្នុងជួរបក្សអោយឯកភាពគ្នាងាយស្រួលជួយដោះស្រាយបញ្ហាផ្សេងៗ ជាពិសេសជួយជំរុញអោយបងប្អូនប្រជាពលរដ្ឋធ្វើអត្តសញ្ញាណប័ណ្ណ អោយបានគ្រប់ៗគ្នាដើម្បីមានសិទ្ធចូលរួមចុះឈ្មោះបោះឆ្នោតនិងបោះឆ្នោតក្រុមប្រឹក្សាឃុំសង្កាត់ នៅឆ្នាំ២០១៧ ខាងមុខនេះ។
vv
[youtube id= “oUWIeH_JQO0”]
