(06-01-2016) ប៉ៃលិន៖ នៅថ្ងៃទី៦ ខែមករា ឆ្នាំ២០១៦ នៅសាលប្រជុំក្រុមប្រឹក្សាខេត្តប៉ៃលិន បានបើកប្រជុំកិច្ចសាមញ្ញលើកទី២០អាណត្តទី២របស់ខ្លួន ដែលកិច្ចប្រជុំនេះស្ថិត ក្រោមអធិបតីភាព ឯកឧត្តម ឡី ចាន់ឆាយ ប្រធានក្រុមប្រឹក្សាខេត្ត ឯកឧត្តម កើត សុធា អភិបាលខេត្ត និងមានការអញ្ជើញចូលរួមពីសំណាក់ថ្នាក់ដឹកនាំខេត្ត សមាជិកក្រុមប្រឹក្សាខេត្តព្រមទាំងប្រធាន អនុប្រធានមន្ទីរជំនាញស្ថាប័នជុំវិញខេត្តផងដែរ។
កិច្ចប្រជុំនេះដើម្បី ពិនិត្យ និងអនុម័តរបៀបវារៈកិច្ចប្រជុំសាមញ្ញលើកទី២០ ពិនិត្យ និងអនុម័តកំណត់ហេតុកិច្ចប្រជុំសាមញ្ញលើកទី១៩ពិនិត្យ និងអនុម័តរបាយការណ៏ស្តីពីការអនុវត្តការងាររបស់រដ្ឋបាលខេត្តប្រចាំ ខែធ្នូ ឆ្នាំ២០១៥ពិនិត្យនិងអនុម័តសំណើសុំកែសម្រួលភូមិចំនួន៥ និងបំបែកភូមិចំនន១៧ក្នុងខេត្តប៉ៃលិន និង បញ្ហាផ្សេងៗ។
បន្ទាប់ពីលោក យឹម ភារុណ ប្រធានការិយាល័យលេខាធិការក្រុមប្រឹក្សាខេត្តបានអានកំណត់ហេតុកិច្ចប្រជុំសាមញ្ញលើកទី១៩រួចមក លោក ហែម រិទ្ធី នាយករដ្ឋបាលខេត្តក៏បានអានរបាយការស្តីពីការអនុវត្តការងាររបស់រដ្ឋបាលខេត្តប្រចាំ ខែធ្នូ ឆ្នាំ២០១៥ ដើម្បីអោយសមាជិកសមាជិការនៃអង្គប្រជុំបានស្តាប់និងធ្វើការកែសម្រួលផងដែរ។
កិច្ចប្រជុំក៏បានពិភាក្សា និងលើកឡើងពីបញ្ហាប្រឈមនានាដែលកើតមានឡើងមានដូចជា៖ បញ្ហាគ្រឿងញៀននៅតែមានការចែកចាយប្រើប្រាស់ជាបន្តបន្ទាប់ អំពីសុវត្តិភាពចំនីអាហារនៅតាមសាលារៀនដែលគ្មានអនាម័យនិងគ្មានគុណភាពធ្វើអោយប៉ះពាល់ដល់សិស្សានុសិស្ស និង មន្ទីរសុយោដីចេញប្លង់អោយប្រជាពលរដ្ឋមានការយឺតយ៉ាវ ដែលជាការចាំបាច់របស់ប្រជាពលរដ្ឋយកទៅប្រើប្រាស់។
ឯកឧត្តមកើត សុធា អភិបាលខេត្តប៉ៃលិនមានប្រសាសន៏កោតសសើរដល់ថ្នាក់ដឹកនាំអង្គភាព មន្ទីរគ្រប់ស្ថាប័នជុំវិញខេត្តទាំងអស់ដែលបានខិតខំប្រឹងប្រែងធ្វើការងារបំរើសេវាសាធារណៈជូនប្រជាពលរដ្ឋបានល្អប្រសើ។បើទោះបីមានបញ្ហាខ្លះនៅខ្វះខាតយ៉ាងណាក្តី យើងត្រូវបន្តសហការ សាមគ្គី យោគយល់អយ្យាស្រ័យគ្នាទៅវិញទៅមក ដើម្បីដោះស្រាយអោយសំរេចការងារក្នុងឆ្នាំ២០១៦នេះអោយទទួលបានជោគជ័យ។ ទទឹ្ទមនេះឯកឧត្តមក៏បានណែនាំដល់កងកម្លាំងសមត្ថកិច្ចទាំងអស់ត្រូវពង្រឹងសន្តិសុខសណ្នាប់ធ្នាប់ជូន បងប្អូនប្រជាពលរដ្ឋក្នុងខេត្តទាំងមូល ជាពិសេសការផាកវិន័យចំពោះអ្នកខុសច្បាប់ចរាចរណ៍ត្រូវសភាពរាបសារ ដើម្បីជៀសវៀងអោយពួកគាត់កុំមានការអត់ចិត្ត។
ឯកឧត្តម ឡីចាន់ ឆាយ ប្រធានក្រុមប្រឹក្សាខេត្តប៉ៃលិនមានប្រសាសន៏ថា៖កិច្ចប្រជុំនៅពេលនេះគឺដើម្បីបូកសរុបការងារប្រចាំឆ្នាំនៅតាមមន្ទីរស្ថាប័នជុំវិញខេត្តហើយអនុម័តសំរេចបញ្ជូនទៅក្រសួងមហាផ្ទៃ។ ដូច្នោះគ្រប់អង្គភាពមន្ទីរស្ថាប័នទាំងអស់ត្រូវតែពិនិត្យមើល បំពេញបន្ថែមកន្លែងណាដែលខ្វះខាតអោយបានច្បាស់លាស់ ព្រោះថាសកម្មភាពទាំងនេះជាការចាំបាច់ណាស់ដែលមន្ទីរទាំងអស់ដែលធ្វើការងារពេញ១ឆ្នាំ។ ឯកឧត្តមបន្តថា៖នៅឆ្នាំ២០១៦នេះសាលាខេត្តមានគោលដៅ អោយប្រជាពលរដ្ឋនិងអាជ្ញាធរទាំងអស់ត្រូវចូលរួមដាំដើមឈើឡើងវិញ ដើម្បីអោយខេត្តប៉ៃលិនយើងស្រស់ស្អាតនិងកាត់បន្ថយគ្រោះធម្មជាតិដែលមានដូចជា៖ការកើនឡើងកំដៅខ្លាំងខ្យល់ព្យុះ ទឹកជំនន់ជាដើម។ ឯកឧត្តមបានសំណូមពរដល់មន្ទីរធនធានទឹកនិងឧតុនិយមខេត្តត្រូវធ្វើការត្រួតពិនិត្យទឹកអូរ ស្ទឹង ដើម្បីរកកន្លែងស្តុបទឹកទុកប្រើប្រាស់នៅរដូវប្រាំង ពីព្រោះបញ្ហាបំរែបំរួលអាកាសធាតុនៅឆ្នាំនេះមានភាពរាំងស្ងួតអូសបន្លាពេលយូដែលធ្វើអោយប្រជាពលរដ្ឋអត់ទឹកប្រើប្រាស់។ ព្រមជាមួយនេះអាជ្ញាធរទាំងអស់ត្រូវចូលរួមពង្រឹងកិច្ចការពារ សន្តិសុខសណ្តាប់ធ្នាប់ និង អនុវត្តគោល នយោបាយភូមិឃុំមានសុវត្តិភាព អោយមានប្រសិទ្ធភាព ជាពិសេសត្រូវទប់ស្កាត់ការជួញដូរប្រើប្រាស់គ្រឿងញៀន ចោរលួច ចោរប្លន់ ល្បែងស៊ីសងគ្រប់ប្រភេទកុំអោយមានក្នុងមូលដ្ឋានរបស់យើងជាដាច់ខាត។
vv
[youtube id= “ONNYodOdM-0”]
