(03-12-2015) ប៉ៃលិន៖ ផ្លូវមួយខ្សែប្រវែង១០២៥ម៉ែត្រពីរង្វង់មូលភូមិក្ងោក ឃុំស្ទឹងកាច់ ស្រុកសាលាក្រៅ មកដល់ភូមិចំការកាហ្វេ សង្កាត់ទួលល្វា ក្រុងប៉ៃលិន ត្រូវបានជួសជុលកែលំអរឡើងវិញដោយមន្ទីរសារធារណៈការនិងដឹកជញ្ជូនខេត្តប៉ៃលិន។
លោកឌិន គឹម ប្រធានមន្ទីរសាធារណៈការនិងដឹកជញ្ជូនខេត្តប៉ៃលិនបានអោយដឹងថា៖ ផ្លូវមួយខ្សែនេះជាផ្លូវក្រាលកៅស៊ូតែដោយសារធ្វើមានរយះពេលយូរគួបផ្សំនិងរថយន្តដឹកកសិផលធុនធ្ងន់ធ្វើចរាចរណ៍ច្រើនបណ្តាលអោយផ្លូវខូចខាតទ្រុតទ្រោមជាច្រើនកន្លែង ទើបលោកបានលើកគំរោងសុំថវិកាពីថ្នាក់ជាតិដើម្បីធ្វើការជួសជុលកែលំអរផ្លូវនេះឡើងវិញ ដើម្បីអោយងាយស្រួលដល់ការធ្វើដំណើរ និងដឹកជញ្ជូនកសិផលរបស់បងប្អូនប្រជាពលរដ្ឋទៅកាន់ទីផ្សាបានឆាប់រហ័ស។ លោកបានបន្តថា៖ ផ្លូវមួយខ្សែនេះក៏ដូចជាផ្លូវដ៏ទៃទៀតនៅក្នុងខេត្តប៉ៃលិនដែលកំពុងជួសជុលកែលំអរជាបន្តបន្ទាប់ដើម្បីអោយផ្លូវមានគុណភាពនិង ធំទូលាយប្រើប្រាស់បានយូរអង្វែងនិងធ្វើអោយខេត្តប៉ៃលិនមានសោភ័ណភាពល្អ ស្របតាមគោលនយោបាយទីក្រុងស្អាត រម្មណីយ៍ដ្ឋានស្អាត។
ក្នុងពេលជួសជុលផ្លូវនេះដែរមន្ទីរសារធារណការនិងដឹកជញ្ជូនខេត្តក៏បានជួសជុលនិងចាក់ដីកែលំអរផ្លូវចូលស្ថានីយ៍វិទ្យុនិងទូរទស្សន៍ជាតិខេត្តប៉ៃលិនដែលមានចំងាយប្រហែល៥០ម៉ែត្រផងដែរ។
vv
[youtube id= “oo7GkeDVZj4”]
