(11-10-2015) ប៉ៃលិន៖ ល្ងាចថ្ងៃទី១១ ខែតុលា ឆ្នាំ២០១៥ អង្គការមូលនិធិសប្បុរសធម៌ព្រីនស៏រៀលអ៊ីស្ទេត នាំយកសំភាៈនិងថវិកាចែកជូនប្រជាពលរដ្ឋនៅសង្កាត់បយ៉ាខា ដែលពិធីប្រព្រឹត្តិទៅស្ថិតក្រោមវត្តមាន ឯកឧត្តម កើត សុធា អភិបាលនៃគណៈអភិបាលខេត្តប៉ៃលិនឯកឧត្តម ផាន់ ចាន់ថុល អភិបាលរងខេត្តប៉ៃលិន និងមានការអញ្ជើញចូលរួមពីសំណាក់ក្រុមអង្គការមូលនិធិសប្បុរសធម៌ព្រីនស៏រៀលអ៊ីសេ្ទតផងដែរ ។
ឯកឧត្តម កើត សុធា អភិបាលខេត្តប៉ៃលិនបានមានប្រសាសន៏ថ្លែងអំណរគុណនិងកោតសសើរដល់អង្គការមូលនិធិសប្បុរសធម៌ព្រីនស៏រៀលអ៊ីសេ្ទតដែលបានយកសំភារៈនិងថវិកាចែកជូនដល់បងប្អូនប្រជាពលរដ្ឋនៅក្នុងសង្កាត់បយ៉ាខាពេលនេះ ដែលជាទឹកចិត្តមនុស្សធម៌ សប្បុរសធម៌សុទ្ធសាធ ដោយមិនប្រកាន់ពីពូជសាសន៍ និន្នាការគណបក្សនយោបាយ និងបក្សពួកអ្វីឡើយ។ ឯកឧត្តមបានផ្តាំផ្ញើរដល់បងប្អូនប្រជាពលរដ្ឋទាំងអស់ ត្រូវយកចិត្តទុកដាក់ថែទាំសុខភាពឲ្យបានល្អ ដោយ រស់នៅស្អាត ហូបស្អាត ដើម្បីការពារកុំឲ្យមានជម្ងឺដំកាត់ផ្សេងៗមកយាយី ឲ្យសោះ ហើយបើសិនជាបងប្អូនប្រជាពលរដ្ឋ មានបញ្ហាអ្វីមិនស្រួលខ្លួនត្រូវប្រាប់កូនចៅ ឬញាត្តិជិតខាងឲ្យជូនទៅពិនិត្យនិងព្យាបាលនៅមណ្ឌលសុខភាពដែលនៅជិតផ្ទះបងប្អូនជាបន្ទាន់។
បើតាមការបញ្ជាក់របស់ ឯកឧត្តម ផាន់ ចាន់ថុល អភិបាលរងខេត្តប៉ៃលិនបានឱ្យដឹងថា៖ អង្គការមូលនិធិសប្បុរសធម៌ព្រីនស៏រៀលអ៊ីសេ្ទតតាមរយៈឯកឧត្តម បាននាំយកសំភារៈនិងថវិកាទាំងអស់នេះ ដើម្បីចែកជូនបងប្អូនប្រជាពលរដ្ឋនិងសិស្សានុសិស្សនៅសង្កាត់បយ៉ាខាចំនួន៦០០គ្រួសារដែលក្នុងគ្រួសារៗទទួលបាន អង្រឹង១ សារ៉ុង១ អាវយឺត១ មុង១ មី១កេះ និងថវិកា៥០០០រៀល ចំនែកសិស្សានុសិស្សចំនួន១០០នាក់ក្នុងម្នាក់ៗទទួលបាន កាបូបស្ពាយ១ សៀវភៅ៣ក្បាល ប៊ិច៣ដើម និងថវិកា២០០០រៀល ផងដែរ។
[youtube id= “FuNz1MU3hlA”]
